#StoryForGlory : डेलीहंट पोर्टल-एएमजी मीडियाचा पत्रकारिता क्षेत्रातील विद्यार्थ्यांसाठी कौशल्यावर आधारित उपक्रम
पुढारी ऑनलाईन डेस्क : डेलीहंट पोर्टल (dailyhunt) आणि एएमजी मीडिया नेटवर्क्स लिमिटेड (AMG Media Network) यांनी संयुक्तरित्या टॅलेंट हंट #StoryForGlory हा कार्यक्रम आयोजित केला होता. दिल्ली येथे या राष्ट्रीय स्तरावरील कार्यक्रमाचा बुधवारी (२८ सप्टें) समारोप झाला. या कार्यक्रमात २० प्रतिस्पर्ध्यांमध्ये ही स्पर्धा रंगली. व्हिडिओ आणि मुद्रित माध्यमाच्या आधारे पार पडलेल्या टॅलेंट हंट स्पर्धेत १२ प्रशिक्षणार्थींनी चांगली कामगिरी दाखवली आहे.
पत्रकारिता क्षेत्रामध्ये आणि जाहिरात क्षेत्रामध्ये करिअर करू इच्छिणाऱ्या विद्यार्थ्यांसाठी अदानी समुहाच्या एएमजी मीडिया आणि डेलीहंट या सर्व स्थानिक भाषेतील माहिती पोर्टलने हा उपक्रम राबविला आहे. मे मध्ये सुरू झालेल्या टॅलेंट हंटला १००० हून अधिक अर्ज प्राप्त झालेले होते ज्यामध्ये २० स्पर्धकांची निवड झाली होती. निवड झालेल्यांना स्पर्धकांना आठ आठवड्यांची फेलोशीप आणि दोन महिन्यांची प्रशिक्षण देखील पार पडले आहे. या विशेष प्रशिक्षणानंतर जवळपास ६ आठवडे या स्पर्धकांना त्यांच्या प्रोजेक्टवर काम करण्यास मिळाले. या दरम्यान अनेक मीडियाकडून त्यांना मार्गदर्शन मिळत राहिले. तसेच सर्व सहभागी स्पर्धकांना आपआपल्या कला कौशल्यावर आणि स्टोरी टेलिंग बाबतचे परिपूर्ण शिक्षण मिळाले.
२० अंतिम स्पर्धकांनी सादर केली कौशल्ये
अंतिम फेरीत २० स्पर्धकांनी स्वत:ची कौशल्ये सादर केली. ज्यामध्ये १२ स्पर्धकांची परिक्षकांनी निवड केली. परिक्षकांमध्ये डेलीहंटचे संस्थापक वीरेंद्र गुप्ता, एएमजी मीडिया नेटवर्क लि.चे सीईओ आणि मुख्य संपादक संजय पुगलिया, द इंडियन एक्स्प्रेसचे कार्यकारी संचालक अनंत गोयंका, फिल्म कंपेनियनच्या संस्थापक अनुपमा चोप्रा तसेच शेली चोप्रा यांचा समावेश होता. यासह नीलेश मिश्रा, आणि फॅक्टर डेलीचे सह-संस्थापक पंकज मिश्रा यांचा देखील सहभाग होता.
#StoryForGlory हे जनतेचा आवाज ओळखण्यात आणि स्पर्धकांना पत्रकारितेच्या क्षेत्रात करिअर करण्यास मदत करेल. डेलीहंटचे संस्थापक वीरेंद्र गुप्ता म्हणाले की, डिजिटल बातम्या आणि मीडिया क्षेत्रात कथाकथनाचा प्रकार झपाट्याने उदयास येत आहे. #StoryForGlory च्या माध्यमातून, आम्ही या कौशल्यातील तरूणांना व्यासपीठ प्रदान करून भारतीय मीडिया इकोसिस्टममध्ये आणखी सुधारणा करण्याचा प्रयत्न करत आहोत. याशिवाय, आम्ही नवोदित कलाकारांना त्यांची कौशल्ये विकसित करण्याची आणि त्यांची आवड जगासमोर सादर करण्याची संधी देत आहोत.
चांगला आशय जगासमोर आणण्याची संधी मिळाली – संजय पुगलिया
AMG Media Networks Ltd. चे CEO आणि मुख्य संपादक संजय पुगलिया म्हणाले, “#StoryforGlory सह, आम्हाला जगासमोर आणि भारतातील प्रतिभावान कथाकारांसमोर उत्तम सामग्री आणण्याची संधी मिळाली आहे. डेलीहंटच्या सहकार्याने आयोजित केलेल्या टॅलेंट हंटच्या माध्यमातून देशाच्या पुढच्या पिढीला योग्य व्यासपीठ देता येईल, असा आमचा प्रयत्न आहे.
#StoryForGlory व्हिडिओ आणि मजकूर फॉरमॅटमध्ये चालू घडामोडी, बातम्या, विज्ञान, तंत्रज्ञान, कला आणि संस्कृतीमधील माहिती निर्मात्यांना शोधण्याच्या उद्देशाने सादर करण्यात आली आहे.
हेही वाचा