सिद्धू मूसेवाला हत्याकांडातील आरोपींकडून सलमान खानला लक्ष्य करण्यासाठी मुंबईत रेकी

पुढारी ऑनलाइन डेस्क : प्रसिद्ध गायक सिद्धू मूसेवाला याच्या खूनानंतर या खून प्रकरणातील आरोपींचे पुढचे लक्ष्य बॉलीवूड अभिनेता सलमान खान हा आहे. काही दिवसांपूर्वीच सलमान आणि त्याच्या वडिलांना तसे पत्र देखिल आले होते. या प्रकरणी आता आणखी एक माहिती समोर आली आहे. सिद्धू मूसेवाला खून प्रकरणातील आरोपींनी सलमानला लक्ष्य करण्यासाठी मुंबईत रेकी केली होती, असे पंजाबचे पोलीस महासंचालक (डीजीपी) गौरव यादव यांनी रविवारी सांगितले. 'लॉरेन्स बिश्नोई'च्या सूचनेनुसार ही रेकी करण्यात आली होती, असे ते म्हणाले.

याआधी जूनमध्ये सलमान व त्याचे वडील सलीम खान यांना धमकीचे पत्र पाठवण्यात आले होते. हिंदीमध्ये पाठवण्यात आलेल्या या पत्रात म्हटले आहे की, सलीम खान आणि त्याचा मुलगा दोघेही लवकरच मारले गेलेले गायक सिद्धू मूसवाला (तेरा मूसवाला बना देंगे) सारखेच नशीब भोगतील, असे पोलीस सूत्रांनी नाव न सांगण्याच्या अटीवर सांगितले.

दरम्यान सिद्धू मूसेवाला हत्याकांडातील दोन प्रमुख आरोपींना शनिवारी पश्चिम बंगाल-नेपाळ सीमेवर अटक करण्यात आली. पंजाबमधील मानसा कोर्टाने रविवारी सिद्धू मूसेवाला हत्याकांडातील मुख्य शूटर दीपक मुंडी आणि त्याचे दोन सहकारी कपिल पंडित आणि राजिंदर यांना सहा दिवसांच्या पोलिस कोठडीत पाठवले.

&nbs

p;

"अटक करण्यात आलेल्या आरोपींपैकी एक कपिल पंडित याने चौकशीदरम्यान सांगितले की, सचिन बिश्नोई आणि संतोष यादव यांच्यासमवेत त्याने लॉरेन्स बिश्नोईच्या सूचनेनुसार सलमान खानला लक्ष्य करण्यासाठी मुंबईत एक रेकी केली होती. आम्ही त्यांचीही चौकशी करू," असेही ते म्हणाले.

डीजीपी यादव म्हणाले की, सलमान खानला लक्ष्य करण्यासाठी संपत नेहराच्या सहकार्याने एक योजना आखण्यात आली होती, ज्याची आम्हाला 30 मे रोजी माहिती मिळाली.

ते पुढे म्हणाले की, केंद्रीय एजन्सींच्या मदतीने इंटरपोलच्या माध्यमातून गँगस्टर गोल्डी ब्रारविरुद्ध रेड कॉर्नर नोटीस जारी करण्यात आली आहे.

" सिद्धू मूसेवाला खून प्रकरणात आतापर्यंत एकूण 23 आरोपींना अटक करण्यात आली आहे. दोन आरोपींना चकमकीत निष्प्रभ करण्यात आले आहे आणि आतापर्यंत 35 आरोपींना नामनिर्देशित करण्यात आले आहे," असे पंजाब डीजीपी यांनी पत्रकारांशी संवाद साधताना सांगितले.

डीजीपी म्हणाले की नेपाळमध्ये असलेला राजिंदर, जोकर गोल्डी ब्रारच्या संपर्कात होता आणि दुबईला पळून जाण्याच्या तयारीत होता आणि तेथून तो बनावट पासपोर्टवर थायलंडला जाण्याच्या तयारीत होता.

"संपूर्ण प्रकरणाचा तपास करण्यासाठी 105 दिवस लागले. हरियाणा, राजस्थान आणि पश्चिम बंगाल या राज्यांमध्ये आरोपी लपून बसले होते,"

ते पुढे म्हणाले की, कपिल पंडित आणि राजिंदर जोकर यांना आरोपी म्हणून आधीच नामांकित केले गेले होते, ते नेमबाज नव्हते तर ते त्यात सामील होते. बलकार सिंगवर संशय असलेल्यांचीही चौकशी सुरू आहे, असेही ते म्हणाले.

पंजाबच्या मानसा जिल्ह्यातील जवाहरके गावात २९ मे रोजी सिद्धू मूस वाला यांची हल्लेखोरांनी गोळ्या झाडून हत्या केली होती. पंजाब पोलिसांनी त्यांची सुरक्षा काढून घेतल्याच्या दुसऱ्या दिवशी ४२४ जणांसह ही घटना घडली होती.

पंजाब पोलिसांनी यापूर्वी त्यांच्या दाखल याचिकेत दावा केला होता की, लॉरेन्स बिश्नोई हा गायक सिद्धू मूसे वालाच्या खून प्रकरणातील मुख्य सूत्रधार आहे. तपासादरम्यान, अटक केलेल्या आरोपींचे कबुलीजबाब नोंदवले गेले होते. ज्यामध्ये हे स्पष्टपणे निदर्शनास आणले होते की लॉरेन्स बिश्नोईने सिद्धू मूसे वालाच्या नियोजित हत्येचे काम सहआरोपींना दिले होते.

गेल्या महिन्यात, हरियाणा पोलिसांनी लॉरेन्स बिश्नोई आणि गोल्डी ब्रार टोळीशी संबंधित चार जणांना अटक केली आणि जिल्ह्यातील महेश नगर पोलीस स्टेशन परिसरात त्यांच्या ताब्यातून मोठ्या प्रमाणात शस्त्रे आणि दारूगोळा जप्त केला, असे अंबाला पोलीस अधीक्षकांनी सांगितले.

पंजाब पोलिसांनी सिटी कोर्टात दाखल केलेल्या याचिकेनुसार लॉरेन्स बिश्नोई हा गायक सिद्धू मूस वाला हत्येचा मुख्य सूत्रधार आहे. पंजाब सरकारच्या रिलीझमध्ये असे म्हटले आहे की गँगस्टर गोल्डी ब्रार याने लॉरेन्स बिश्नोई टोळीच्या वतीने सिद्धू मूस वालाच्या हत्येची जबाबदारी स्वीकारली होती.

हे ही वाचा

सिद्धू मूसेवाला हत्याकांडातील शार्प शूटरला अटक

Sidhu Moose Wala Murder : गँगस्टर लॉरेन्स बिष्णोईकडून गायक सिद्धू मूसेवालाच्या हत्येची कबुली

Sidhu Moosewala murder : मूसेवाला हत्‍या प्रकरणातील मुख्य आरोपी सचिन बिश्‍नोईला अजरबैजान येथे अटक