संजय अरोरा दिल्लीचे नवे पोलिस आयुक्त
पुढारी ऑनलाईन डेस्क : तामिळनाडू केडरचे आयपीएस अधिकारी संजय अरोरा यांना दिल्लीचे नवे पोलिस आयुक्त बनवण्यात आले आहे. ते राकेश अस्थाना यांची जागा घेतील. अरोरा 1988 च्या बॅचचे तामिळनाडू केडरचे IPS संजय अरोरा हे ITBP चे महासंचालक देखील राहिले आहेत. संजय अरोरा यांनी 1997 ते 2000 या काळात उत्तराखंडमधील मतली येथे आयटीबीपीच्या बटालियनचे नेतृत्व केले. अरोरा 1 ऑगस्ट 2022 पासून दिल्ली पोलिस आयुक्तपदाचा पदभार स्वीकारतील.
आयपीएस अधिकारी संजय अरोरा यांनी जयपूर (राजस्थान) येथील मालवीय नॅशनल इन्स्टिट्यूट ऑफ टेक्नॉलॉजी येथून इलेक्ट्रिकल आणि इलेक्ट्रॉनिक्स इंजिनिअरिंगमध्ये पदवी प्राप्त केली होती. आयपीएस झाल्यानंतर त्यांनी तामिळनाडू पोलिसात विविध पदांवर काम केले. ते विशेष टास्क फोर्सचे पोलिस अधीक्षक (एसपी) होते. जिथे त्यांनी वीरप्पन टोळीविरुद्ध महत्त्वपूर्ण यश मिळवले. त्यांना मुख्यमंत्री शौर्य पदक प्रदान करण्यात आले आहे.
1991 मध्ये संजय अरोरा यांनी NSG मधून प्रशिक्षण घेतले. यानंतर, तामिळनाडूच्या मुख्यमंत्र्यांच्या सुरक्षेत तैनात असलेल्या विशेष सुरक्षा गटाच्या (एसएसजी) निर्मितीमध्ये त्यांनी महत्त्वाची भूमिका बजावली. किंबहुना त्या काळात एलटीटीईच्या कारवाया शिगेला पोहोचल्या होत्या. अशा परिस्थितीत त्यांनी तामिळनाडूच्या विविध जिल्ह्यांमध्ये पोलीस अधीक्षक म्हणूनही काम पाहिले.
निमलष्करी दलात प्रतिनियुक्तीवर कमांडंट पदावर आलेल्या काही आयपीएसपैकी संजय अरोरा हे एक आहेत. अरोरा यांनी 1997 ते 2002 या काळात इंडो-तिबेट बॉर्डर पोलिस (ITBP) मध्ये कमांडंट म्हणून प्रतिनियुक्तीवर काम केले.
संजय अरोरा यांनी 1997 ते 2002 पर्यंत कमांडंट म्हणून प्रतिनियुक्तीवर इंडो-तिबेटन बॉर्डर पोलिस (ITBP) मध्ये काम केले. 1997 ते 2000 पर्यंत त्यांनी उत्तराखंडमधील मातली येथे ITBP बटालियनच्या सीमा रक्षक दलाचे नेतृत्व केले. एक प्रशिक्षक म्हणून, अरोरा यांनी 2000 ते 2002 पर्यंत ITBP अकादमीमध्ये उल्लेखनीय योगदान दिले. यासोबतच ते मसुरीमध्ये कमांडंट (कॉम्बॅट विंग) म्हणून कार्यरत होते.
संजय अरोरा यांनी 2002 ते 2004 या काळात कोईम्बतूर शहराचे पोलिस आयुक्त म्हणूनही काम केले. त्यानंतर त्यांनी विल्लुपुरम रेंजचे पोलीस उपमहानिरीक्षक म्हणून पदभार स्वीकारला. संजय अरोरा यांनी आयजी (स्पेशल ऑपरेशन्स) बीएसएफ, आयजी छत्तीसगड सेक्टर सीआरपीएफ आणि आयजी ऑपरेशन्स सीआरपीएफ म्हणून काम केले आहे.
संजय अरोरा यांना 2004 मध्ये गुणवत्तापूर्ण सेवेसाठी पोलीस पदक, 2014 मध्ये विशिष्ट सेवेसाठी राष्ट्रपती पोलीस पदक, पोलीस विशेष कर्तव्य पदक, अंतर्गत सुरक्षा पदक आणि संयुक्त राष्ट्र शांती पदक यासह इतर पदकांनी सन्मानित करण्यात आले आहे.
Sanjay Arora appointed as Commissioner of Delhi Police pic.twitter.com/jKXo07xucg
— ANI (@ANI) July 31, 2022