पुणे; पुढारी वृततसेवा : मे महिन्याच्या सुरुवातीला आलेल्या मोखा चक्रीवादळाने देशातील मान्सूनपूर्व पाऊस मोठ्या प्रमाणावर पळवून नेल्याने या काळात पडणार्या पावसात 50 ते 85 टक्क्यांची घट नोंदवली गेली आहे. यंदा मार्च व एप्रिलमध्ये देशभरात भरपूर पाऊस बरसला. मात्र, मे महिन्यात आलेल्या मोखा चक्रीवादळाने मे महिन्याची सरासरी उणे गटात नेऊन बसवली आहे. तरी 1 मार्च ते 17 मेपर्यंत अवकाळी पावसाचा ताळेबंद तपासला असता, असे लक्षात येते की, देशात मे महिन्यात कमी पाऊस पडूनही संपूर्ण उन्हाळ्यात सरासरीच्या 16 टक्के अधिक पाऊस झाला आहे.
