.Washim Akola Road Accident
वाशीम : वाशीम-अकोला रोडवरील सावरगाव परिसरात शनिवारी (दि.२९) दुपारी २.३० च्या दरम्यान चारचाकी वाहन (क्रमांक एम एच ३७ ए एच २२६९) व एक दुचाकी आडवी आल्याने भीषण अपघात झाल्याची दुर्दैवी घटना घडली आहे. या अपघातात ऋतुजा बालाजी गोटे (वय १९, रा. विनायक नगर, वाशीम) हिचा जागीच मृत्यू झाला.
तर ज्ञानेश्वर लादे (वय २०, रा. वसारी) हा युवक गंभीर जखमी झाला असून, त्याच्यावर पुढील उपचारासाठी अकोला येथे हलविण्यात आले असल्याची माहिती मिळत आहे.
अपघात नेमका कसा घडला, कोणत्या वाहनांचा सहभाग होता आणि त्यामागील कारण काय, याबाबत अद्याप अधिकृत माहिती समोर आलेली नाही. या घटनेची माहिती मिळताच परिसरात हळहळ व्यक्त करण्यात येत आहे.
दरम्यान, वाशीम ग्रामीण पोलीस ठाण्याकडून अपघाताबाबत अधिकृत माहिती घेण्यात येत असून, पुढील तपशील मिळाल्यानंतर अपघाताचे नेमके कारण स्पष्ट होणार आहे.
या घटनेचा पुढील तपास वाशीम ग्रामीण पोलीस करीत आहेत.
