नागपूर - राज्य उत्पादन शुल्क विभागीय भरारी पथकाने गोंडवाना पिंपरी, हिंगणा परिसरातील माय टाऊन सोसायटी, सेक्टर-8 येथील बंगलो क्रमांक 133 येथे छापा टाकून बनावट देशी-विदेशी दारुच्या कारखान्याला टाळे ठोकले.
घटनास्थळावरुन 1 हजार 90 लिटर देशी दारुचा बनावट ब्लेंड, महाराष्ट्रात विक्रीस प्रतिबंधीत असलेल्या गोवा व्हीस्कीच्या 356 बाटल्या, 90 बिएल बनावट देशी दारु, इलेक्ट्रानिक बॉटल सिलींग मशिन बनावट रॉकेट देशी दारु नावाचे कागदी लेबल, जीवंत पत्रीबुचे, रिकाम्या बाटल्या, बनावट रॉयल स्टग विदेशी दारुचे जीवंत प्लॉस्टीक जीवंत बुचे, चारचाकी वाहन असा एकूण 24 लाख 67 हजार 704 रुपयांचा मुद्देमाल जप्त करण्यत आला. नागपूर विभागाचे विभागीय उपायुक्त गणेश पाटील व जिल्हा अधीक्षक सुरज कुमार रामोड यांच्या मार्गदर्शनाखाली ही कारवाई करण्यात आली.
यातील मुख्य आरोपी शुभम गोविंद तिवारी वय 31 वर्षे फरार असून गोविंद रामदत्त तिवारी वय 59, शैलेंद्र धुर्वे वय 24, रघुनाथ उईके वय 21, राजकुमार उईके वय 25, द्वारका शिवलाल इनवाती वय 45 व प्रमोद नथ्थुजी सयाम वय 42 या आरोपींविरुध्द गुन्हा दाखल करण्यात आला. विभागीय भरारी पथकाचे निरीक्षक दशरथ क्षीरसागर, दुय्यम निरीक्षक जगदीश पवार, लांबाडे, निरीक्षक बालाजी चाळणेवार, दुय्यम निरीक्षक वैभव दीवाण, अमित क्षीरसागर, शुभम ढोके यांच्यासह सर्वश्री राहुल सपकाळ, गजानन राठोड, सुधीर मानकर, किरण वैद्य, सचिन आडोळे, विनोद डुंबरे यांनी सहकार्य केले.
