चंद्रपूर: आंघोळीला गेलेल्या दोन मुलांचा तलावात बुडून मृत्यू 

चंद्रपूर : पुढारी वृत्तसेवा : चंद्रपूर जिल्ह्यातील गोंडपिपरी येथील न्यायालयाच्या मागे तलावात मित्रांसोबत आंघोळीला गेलेल्या दोन चिमुकल्यांचा तलावात बुडून मृत्यू झाला. ही घटना मंगळवारी (दि.७) दुपारी दोनच्या सुमारास घडली. रात्री आठ वाजता घटना उघडकीस आली. घटनेची माहिती मिळताच गावकरी आणि पोलिसांनी घटनास्थळी जावून बालकांची शोधाशोध केली. दोन्ही मुलांचे मृतदेह आज (दि.८) सकाळी  मिळाले. गौरव विलास ठाकूर (वय १४),  शौर्य भास्कर पिंपळशेंडे (वय १५, दोघे रा. गोंडपिंपरी, शिवाजी चौक मृतांची नवे आहेत.

अशी घडली घटना :

• उन्हाचा पारा वाढल्याने मुले तलावाकडे फिरण्यासाठी गेली होती.
• चिमुकले पोहण्यासाठी तलावात उतरली.
• तलावात उतरलेल्या पैकी गौरव विलास ठाकूर, शौर्य भास्कर पिंपळशेंडे हे दोघे बुडाले.
• इतर चिमुकल्यांनी ही घटना घरी सांगितली नाही.
• कुटुंबीयांनी तलावाकडे रात्री ८ वाजता दरम्यान धाव घेतली.

गोंडपिपरीत शोककळा पसरली आहे.

• चंद्रपूर : अल्पवयीन मुलीचा विनयभंग करणाऱ्याला अटक
• चंद्रपूरात पारा चढलाय, उष्माघाताचा धोका वाढलाय! नागरीकांना खबरदारी घेण्याचे जिल्हा प्रशासनचे आवाहन
• चंद्रपूर लोकसभा मतदार संघात ५५.११ टक्के मतदान