Warora Bhadravati Traffic Signal | वाहतूक सुरक्षेसाठी वरोरा-भद्रावतीत प्रमुख चौकांत सिग्नल यंत्रणा

चौकांमध्ये वाहनांची मोठी वर्दळ, बेशिस्त वाहतूक आणि सिग्नलअभावी वारंवार अपघात
Warora Bhadravati Traffic Signal
Warora Bhadravati Traffic SignalPudhari
Published on: 
Updated on: 

Warora Bhadravati Traffic Signal

चंद्रपूर : वरोरा आणि भद्रावती शहरातील वाढती वाहतूक कोंडी आणि अपघातांच्या समस्येवर नियंत्रण मिळवण्यासाठी प्रमुख चौकांमध्ये आधुनिक सिग्नल यंत्रणा उभारण्याचे काम सुरू झाले आहे. अनेक वर्षांपासून या चौकांमध्ये वाहनांची मोठी वर्दळ, बेशिस्त वाहतूक आणि सिग्नलअभावी वारंवार अपघात घडत होते. आता सिग्नल यंत्रणा कार्यान्वित झाल्यानंतर वाहतुकीला शिस्त लागून अपघातांमध्ये लक्षणीय घट होईल, अशी अपेक्षा व्यक्त केली जात आहे.

वरोरा आणि भद्रावती शहरातील प्रमुख चौकांमध्ये पूर्वी वाहतुकीचे योग्य नियमन नसल्यामुळे वाहनचालकांना अनेकदा एकाच वेळी चौकातून मार्ग काढावा लागत होता. यामुळे वाहतूक कोंडी निर्माण होण्यासोबतच दुचाकीस्वार, पादचारी आणि इतर वाहनांच्या अपघातांचा धोका वाढत होता. विशेषतः गर्दीच्या वेळेत शालेय विद्यार्थी, महिला आणि ज्येष्ठ नागरिकांना रस्ता ओलांडताना मोठ्या अडचणींचा सामना करावा लागत होता. काही चौकांमध्ये अपघातांच्या घटना वारंवार घडत असल्याने नागरिकांकडून सुरक्षित वाहतूक व्यवस्थेची मागणी होत होती.

Warora Bhadravati Traffic Signal
Chandrapur news: वरोरा बसस्थानकावर गर्दीचा फायदा घेत महिलेचे मंगळसूत्र लंपास

या पार्श्वभूमीवर वरोरा शहरातील अत्यंत वर्दळीचा आनंदवन चौक आणि रत्नमाला चौक, तसेच भद्रावती शहरातील प्रमुख चौकांमध्ये सिग्नल यंत्रणा बसविण्याचे काम सुरू करण्यात आले आहे. सध्या खांब उभारणी, सिग्नल बसविणे आणि तांत्रिक जोडणीची कामे वेगाने सुरू असून, लवकरच ही यंत्रणा कार्यान्वित होण्याची शक्यता आहे.

सिग्नल सुरू झाल्यानंतर वाहनांची ये-जा नियंत्रित होईल, चौकांमध्ये अनावश्यक गोंधळ कमी होईल आणि वाहनचालकांना थांबणे व पुढे जाण्याचे स्पष्ट निर्देश मिळतील. त्यामुळे यापूर्वी वारंवार होणाऱ्या अपघातांवर नियंत्रण मिळवण्यास मदत होऊन नागरिकांच्या प्रवासाची सुरक्षितता वाढण्यास मोठा फरक पडेल. विशेषतः गर्दीच्या वेळी वाहतूक नियोजन सुधारल्यामुळे वाहनचालकांसह पादचाऱ्यांना दिलासा मिळण्याची अपेक्षा आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.