भंडारा: गोबरवाही पोलिस ठाण्याच्या हद्दीत येणाऱ्या देवनारा गावात आज सकाळी ९ वाजताच्या सुमारास एक भीषण अपघात घडला. यात एका तरुणाचा जागीच मृत्यू झाला तर दुसरा गंभीर जखमी झाला. चिखलीहून देवनाराकडे जाणाऱ्या दुचाकीने रवींद्र सुरेश धुर्वे आणि आकाश भागवत धुर्वे हे समोरून येणाऱ्या ट्रॅक्टरवर आदळले. धडक इतकी भीषण होती की दोघेही गंभीर जखमी झाले.
स्थानिक नागरिकांच्या मदतीने जखमींना तात्काळ उपचारासाठी नेण्यात आले. मात्र, गंभीर जखमी झालेला रवींद्र सुरेश धुर्वे याचा भंडारा जिल्हा रुग्णालयात मृत्यू झाला.
घटनेची माहिती मिळताच गोबरवाही पोलिस घटनास्थळी दाखल झाले. पोलिस अधिकारी शरद शेवाळे यांच्या मार्गदर्शनाखाली पोलिस हवालदार मंगेश पेंदाम घटनेचा तपास करत आहेत. अपघातामुळे देवनारा-चिखली रस्त्यावर काही काळ वाहतूक विस्कळीत झाली होती.
