Sur River Young Man Drowns
भंडारा: धार्मिक कार्यक्रमासाठी आलेल्या युवकाचा सूर नदीत बुडून मृत्यू झाल्याची घटना मोहाडी तालुक्यातील खोडगाव येथे मंगळवारी (दि. २) दुपारच्या सुमारास घडली.
भंडारा येथील शिवनगरीतील कडव कुटुंब धार्मिक कार्यक्रमासाठी खोडगाव येथे गेले होते. मंदिरात दर्शन घेतल्यानंतर सलभ मोहन कडव (वय ३२) सूर नदीपात्रात आंघोळीसाठी उतरला. परंतु, खोल पाण्याचा अंदाज न आल्याने तो नदीच्या प्रवाहात वाहत गेला.
पाण्याचा थेंब नसलेली खोडगाव येथील सूर नदी नुकतीच पेंच प्रकल्पाच्या पाण्यामुळे दुथडी वाहत आहे. यात सलभला पाण्याचा अंदाज न आल्याने बुडून त्याचा मृत्यू झाला.
सलभ हा उच्चशिक्षित असून तो एका फायनान्स कंपनीमध्ये काम करायचा. आई सेवानिवृत्त शिक्षिका असून वडील एका पतसंस्थेमध्ये काम करतात.
