![गोंदिया: शिक्षक व संस्थापकाच्या वादात सेवानिवृत्त लिपिकाचा खून](http://media.assettype.com/pudhari%2Fimport%2Fwp-content%2Fuploads%2F2024%2F05%2FCopy-of-Copy-of-Copy-of-1-3.jpg?w=480&auto=format%2Ccompress&fit=max)
गोंदिया, पुढारी वृत्तसेवा : शाळा संचालक व शिक्षकाच्या भांडणात मध्यस्थी करण्यासाठी गेलेल्या एका सेवानिवृत्त लिपीकाला शिक्षकाने मारहाण केल्याने आपला जीव गमवावा लागला आहे. ही घटना आज गुरुवार (दि.१६ मे) देवरी तालुक्यातील डवकी येथे घडली. मुकुंद बागडे (६०) असे मृत सेवानिवृत्त लिपीकाचे नाव आहे. या प्रकरणी देवरी पोलिसांनी गुन्हा नोंद करून आरोपी शिक्षकाला ताब्यात घेतले आहे.