नागपूर ; पुढारी वृत्तसेवा सर्वांच्या जीवनातील विघ्न दूर करून सर्वाना सुख, समृद्धी देण्याची प्रार्थना उपमुख्यमंत्री देवेंद्र फडणवीस यांनी केली. फडणवीस यांनी (रविवार) रात्री शहरातील विविध सार्वजनिक गणेश मंडळांना भेट देऊन श्री गणेशाचे दर्शन घेतले. विविध गणेश मंडळांनी आकर्षक देखाव्याद्वारे लोकोपयोगी योजना, 'माझी माती, माझा देश' अंतर्गत माती व तांदळे चा 'अमृत कलश' उपमुख्यमंत्री यांना भेट दिले.
उपमुख्यमंत्री फडणवीस यांनी अभ्यंकर नगर बाल गणेश मंडळ, बजाज नगर एन.आय.टी. कॉटर्स येथील श्री बाल गणेश उत्सव मंडळ, राणी लक्ष्मी नगर गणेश मंडळ, तात्या टोपे नगर गणेश मंडळ, अत्रे लेआउट प्रताप नगर येथील साहस गणेशोत्सव मंडळ, उस्मान लेआउट गोपाल नगर येथील युवा संकल्प गणेश उत्सव मंडळ व त्रिमूर्ती गणेशोत्सव मंडळ, प्रताप नगर चौक येथील बाल गणेशोत्सव मंडळ, लोकसेवा नगर येथील युवा गणेश उत्सव मंडळ, प्रियदर्शनी नगर येथील श्री विघ्नहर्ता बाल गणेशोत्सव मंडळ, त्रिमूर्ती नगर येथील युवक गणेश मंडळ, गुडलक सोसायटी जयताळा येथील नवयुवक गणेशोत्सव मंडळ, भेंडे लेआउट येथील श्री सिद्धिविनायक फाउंडेशन द्वारा संचालित श्री सार्वजनिक बाल गणेशोत्सव मंडळ, सोनेगाव एचबी ईस्टेट येथील श्री गणेश उत्सव मंडळ, गोविंद नगर व जयप्रकाश नगर येथील श्री छत्रपती शिवाजी महाराज सार्वजनिक गणेशोत्सव मंडळ, रामेश्वरी येथील सर्वोदय गणेशोत्सव मंडळ, भगवान नगर येथील युवा गणेशोत्सव मंडळ आदी गणेश मंडळांना भेट दिली व श्री गणेशाचे दर्शन घेत आरती केली.
हेही वाचा :
