नागपूर; पुढारी वृत्तसेवा : प्रदेशाध्यक्ष जयंत पाटील यांच्या सुचनेनुसार राष्ट्रवादी काँग्रेसतर्फे शहर अध्यक्ष दूनेश्वर पेठे यांच्या नेतृत्वात शिंदे गटाविरोधात मंगळवारी (दि.२०) 'गद्दार दिवस' म्हणून निषेध आंदोलन करण्यात आले.
बंड करून भाजपाशी युती केलेल्या शिंदे गटाविरोधात शिवसेना ठाकरे गटासोबतच अलीकडे राष्ट्रवादी काँग्रेस पक्षही आक्रमक झाला आहे. एक वर्षापूर्वी म्हणजेच २० जूनला शिंदे – फडणवीस सरकार आस्तित्वात आले. या दिवशी झालेल्या सत्तांतराचा दिवस 'गद्दार दिवस' म्हणून राष्ट्रवादीच्या वतीने निषेध व्यक्त करण्यात आला.
यावेळी खोक्यांचे राजकारण करुन धोक्याने सत्ता बळकावलेल्या गद्दारांची सत्तेतून पायउतार व्हायची वेळ आली आहे. यासाठी गद्दारांचे डोके, खोक्यांनीच केले ओक्के, ही घोषणा राज्याच्या कानाकोपऱ्यापर्यंत देत शिंदे गटाचा निषेध व्यक्त करण्यात आला. यावेळी प्रदेश उपाध्यक्ष शेखर सावरबांधे, अफजल फारूक, महेंद्र भांगे आदी पदाधिकारी उपस्थित होते.
हेही वाचलंत का ?
