सभागृहाबाहेर विरोधी पक्षनेत्यांना विश्वासात न घेता अध्यक्षविरोधातील अविश्वास प्रस्तावाच्या निमित्ताने काँग्रेस शिवसेनेने वातावरण तापवले असल्याने का होईना अनेकांना गावाकडे परतण्याची घाई असताना बोलण्याची संधी दिली गेली. मुख्यमंत्री, उपमुख्यमंत्री त्यांना खूप कामे असतात, आम्हाला काहीच काम नसताना सकाळ ते रात्री उशिरापर्यंत बसतो, मग मंत्री बेपत्ता का, 30 वर्षात असे पाहिले नाही, असा परखड सवाल करीत विरोधी पक्षनेते अजितदादा पवार यांनी सरकारला दोन-तीनदा धारेवर धरले. अखेरीस कधी उपमुख्यमंत्री देवेंद्र फडणवीस, शंभूराज देसाई, गिरीश महाजन, चंद्रकातदादा पाटील तर कधी संदिपान भुमरे यांना सभागृहातच थांबावे लागले.
