नागपूर; पुढारी वृत्तसेवा : पंतप्रधान नरेंद्र मोदी यांच्या जडणघडणीत अमूल्य वाटा असणाऱ्या त्यांच्या मातोश्री श्रीमती हिराबेन मोदी यांचे निधन अत्यंत दुःखद आहे, अशी शोक भावना व्यक्त करुन मुख्यमंत्री एकनाथ शिंदे यांनी हिराबेन मोदी यांना भावपूर्ण श्रद्धांजली अर्पण केली आहे.
"श्रीमती हिराबेन यांच्यासारख्या धर्मानुरागी, सात्विक व्यक्तिमत्त्वाचे निधन ही समाजाची हानी आहे. नियतीचक्रामुळे आज श्रीमती हिराबेन मोदी यांची इहलोकीची यात्रा संपली. ही बाब पुत्र म्हणून पंतप्रधान नरेंद्र मोदी यांच्यासाठी एक आघात आहे. आईचा वियोग ही दुःखाची परिसीमा असते. पंतप्रधान मोदी यांना हे दुःख सहन करण्याचे बळ मिळो, हीच ईश्वर चरणी प्रार्थना. मातृतुल्य श्रीमती हिराबेन मोदी यांना भावपूर्ण श्रद्धांजली!.",अशी शोक भावनाही मुख्यमंत्र्यांनी व्यक्त केली आहे.
हेही वाचलंत का?
