मानपाडा पोलिस ठाण्याच्या गुन्हे प्रकटीकरण शाखेचे पोलिस निरीक्षक रामचंद्र चोपडे यांनी सरकारतर्फे दिलेल्या फिर्यादीवरून कंपनीच्या मालकीण मालती प्रदिप मेहता, मुलगा मलय मेहता यांच्यासह कंपनीचे संचालक, व्यवस्थापक, देखरेख अधिकाऱ्यांसह इतर बेजबाबदार व्यक्तींच्या विरोधात सदोष मनुष्यवधाचा गुन्हा दाखल करण्यात आला. स्थानिक पोलिसांसह ठाण्याच्या क्राईम ब्रँचच्या अपर पोलिस आयुक्त पंजाबराव उगले, पोलिस उपायुक्त पराग मणेरे आणि शिवराज पाटील यांच्या मार्गदर्शनाखाली शोध पथकाचे सहाय्यक पोलिस आयुक्त निलेश सोनवणे, स्पेशल टास्क फोर्सचे सहाय्यक पोलिस आयुक्त शेखर बागडे, पोलिस निरीक्षक वनिता पाटील, सपोनि सुनील तारमाळे, सपोनि श्रीकृष्ण गोरे, फौजदार विजय राठोड, आदींच्या पथकाने या गुन्ह्याचा समांतर तपास सुरू केला होता. या पथकाने तपासचक्रांना वेग देऊन मलया मेहता याला अटक केली.