ठाणे: कळवा परिसरात पुन्हा एका हाय प्रोफाइल सेक्स रॅकेटचा पर्दाफाश करण्यात आला असून या प्रकरणी एका एजंट महिलेला पोलिसांनी अटक केली आहे. या एजंट महिलेच्या तावडीतून एक सहाय्यक दिगदर्शक व एका वेब सिरीज मध्ये काम करणाऱ्या तरुणीची सुटका करण्यात आली आहे. या प्रकरणी कळवा पोलीस ठाण्यात गुन्हा दाखल केला आहे.
कळवा येथील पारसिक नगर भागातील एका हॉटेल जवळ एक महिला काही तरुणींना शरीर विक्रीसाठी आणणार असल्याची माहिती अनैतिक मानवी वाहतुक प्रतिबंध कक्षाला गुप्त बातमीदाराकडून मिळाली होती.
पोलीस पथकाने ११ ऑक्टोबर रोजी या ठिकाणी बनावट ग्राहक पाठवून सापळा लावला. यावेळी एक महिला तरुणींना पैशाचे आमिष दाखवून शरीरविक्रेयचा व्यवसाय करवून घेत असल्याचे समोर आले. त्यानंतर एजंट महिलेस ताब्यात घेतले.
