ठाणे : मुंबई आणि दिल्ली या दोन राजधान्यांना जोडणारा दिल्ली-मुंबई महामार्ग हा 2026 ला सुरु होण्याची अपेक्षा आहे. हा महामार्ग सुरु झाल्यावर मुंबईहून दिल्लीला किंवा दिल्लीहुन मुंबईला जाण्यासाठी लागणारा कालावधी हा 24 तासांवरून थेट 12 तासांवर येणार आहे. आठ पदरी असलेल्या हा महामार्ग भारतातील सर्वात लांब महामार्ग मानला जात आहे. भारतात तसेच राज्यात मोठ्या प्रमाणात रस्ते विकासाला प्राधान्य देण्यात येत असून राज्यात दीड लाख कोटींचे रस्ते निर्माण करण्याची घोषणा केंद्रीय मंत्री नितीन गडकरी यांनी नुकतीच केली आहे. केंद्र सरकारच्या वतीनेही भारतात रस्ते विकासाला मोठ्या प्रमाणात प्राधान्य देण्यात येत असून यापैकीच दिल्ली-मुंबई एक्स्प्रेस वे हा आहे. महामार्गाचा जवळजवळ 774 किमी भाग सुरु करण्यात आले आहे. 1350 किमी लांबीचा संपूर्ण दिल्ली मुंबई एक्सप्रेसवे प्रकल्प मार्च 2026 पर्यंत पूर्णपणे पूर्ण होण्याची अपेक्षा आहे, ज्यामुळे दिल्ली आणि मुंबईमधील प्रवास वेळ 24 वरून 12 तासांपर्यंत कमी होणार आहे.
दिल्ली-मुंबई महामार्ग हा 1350 किमी लांबीचा आठ पदरी महामार्ग आहे जो भारतातील दोन सर्वात महत्त्वाच्या शहरांमधील प्रवासाचा वेळ निम्म्याने कमी करणार आहे. दिल्ली-मुंबई महामार्गाची पायाभरणी केंद्रीय रस्ते वाहतूक आणि महामार्ग मंत्री नितीन गडकरी यांनी 9 मार्च 2019 रोजी केली. हा महामार्ग पाच राज्यांमधून जाणार असून ज्यामध्ये हरियाणा (129 किमी), राजस्थान (373 किमी), मध्य प्रदेश (244 किमी), गुजरात (426 किमी) आणि महाराष्ट्र (171 किमी) अशा राज्यांचा समावेश आहे. दिल्ली मुंबई एक्सप्रेसवे बांधण्यासाठी या या पाच राज्यांमध्ये 15,000 हेक्टरपेक्षा जास्त जमिनीचे अधिग्रहण केले जाणार आहे. हा महामार्ग हरियाणातील गुडगाव येथून सुरू होणार असून राजस्थानमधील जयपूर आणि सवाई माधोपूरमधून जाणार आहे. त्यानंतर, हा मार्ग मध्य प्रदेशातील रतलाम आणि गुजरातमधील वडोदरा येथून जाणार असून महाराष्ट्रातील मुंबई येथे त्याचा शेवट होणार आहे.
या महार्गामुळे जयपूर, अजमेर, किशनगड, कोटा, उदयपूर, चित्तोडगड, भोपाळ, उज्जैन, अहमदाबाद, इंदूर, सुरत आणि वडोदरा या आर्थिक केंद्रांची कनेक्टिव्हिटी देखील वाढणार आहे. दिल्ली ते मुंबई महामार्गाचा काही भाग गुजरातमधील विविध ठिकाणांना व्यापतो, ज्यामध्ये दोडका गाव, फजापूर गाव, समियाला आणि लक्ष्मीपुरा गाव, देहगाम गाव, मोती नरोली गाव, नवसारीच्या पूर्वेला आणि वलसाडच्या पूर्वेला समाविष्ट आहे. शिवाय, हा विभाग महाराष्ट्र राज्यातील काही ठिकाणांना व्यापतो: गुजरात-महाराष्ट्र सीमा आणि विरार, पालघरचा काही भाग मुंबई-दिल्ली एक्सप्रेसवेच्या चौथ्या भागात महाराष्ट्रातील विविध ठिकाणे समाविष्ट आहेत. ज्यामध्ये विरार, आमणे आणि बदलापूर, एक्सप्रेसवे मुंबईतील जेएनपीटीचा समावेश आहे.
