डोंबिवली: डोंबिवलीच्या मोठागाव-माणकोली पुलावरील स्टंटबाजीचा धक्कादायक प्रकार पुन्हा एकदा समोर आला आहे. अशा जीवघेण्या पद्धतीने दुचाकीवर उभा राहून एक तरूण स्टंटबाजी करत असल्याचा नवा व्हिडिओ समोर आल्यानंतर अशा स्टंटबाजांवर कारवाई का केली जात नाही ? असा सवाल या पुलावरून ये-जा करणाऱ्या संतप्त वाहनचालक आणि प्रवाशांसह पादचाऱ्यांकडून विचारला जात आहे.
डोंबिवली-भिवंडीला जोडणाऱ्या मोठागाव-माणकोली खाडीवरील उड्डाण पुलावर रात्रीच्या सुमारास जीवघेणे स्टंट अजूनही सुरूच आहेत. कार आणि दुचाक्यांवर चालणाऱ्या अशा स्टंटबाजांमुळे स्वतःसह पुलावरून ये-जा करणाऱ्या प्रवासी आणि पादचाऱ्यांच्या जीवाला धोका वाढला आहे. अशा स्टंटबाजांच्या जीवघेण्या रेसकोर्सला रोखणार कोण ? असा सवाल वारंवार उपस्थित करण्यात येत आहे. पोलिसांनी या स्टंटबाज तरुणांवर कडक कारवाई करावी, अशी मागणी या भागातील स्थानिक रहिवाशांनी केली आहे.
अशा स्टंटबाजांच्या जीवघेण्या रेसकोर्सला रोखणार कोण ? असा सवाल वारंवार उपस्थित करण्यात येत आहे. पोलिसांनी या स्टंटबाज तरुणांवर कडक कारवाई करावी, अशी मागणी या भागातील स्थानिक रहिवाशांनी केली आहे.
