पंढरपूर : या वर्षी सुरुवातीला, युरोपमधील चित्रपट स्टुडिओने संत सावता माळी यांच्यावरील पहिला पाश्चात्य चित्रपट महाराष्ट्रात चित्रीत केला. आत्मारामा स्टुडिओ निर्मित हा प्रकल्प गोविंददास (इगोर मिहाज्लोविक, क्रोएशिया) आणि अचला (सिल्विया मिहाज्लोविक, पोलंड) या जोडप्याने त्यांच्या सदगुरु परमहंस विश्वानंद यांच्या प्रेरणेने मराठी संतांच्या कथा साकारण्यासाठी केला आहे.
विठ्ठलाची आस, हा चित्रपट पहिल्यांदाच चित्रपटात काम करणार्या स्थानिक कलाकारांसोबत शूट करण्यात आला आहे. हा महाराष्ट्रातील संत परंपरेवरील अनेक नियोजित चित्रपटांपैकी पहिला चित्रपट आहे. या चित्रपटात संत सावता माळी यांच्या वंशजांनी काम केले आहे. वर्षा अखेरीस प्रेक्षकांच्या भेटीला येत आहे.
हा चित्रपट सावता माळी यांनी काम केलेल्या शेतामध्ये चित्रीत करण्यात आला आहे. यात अरण, रोपळे, बोराळे या गावातील नवोदीत कलाकारांनी अभिनय केला आहे. तर संत सावता माळी यांच्या 17 व्या व 18 व्या पिढीतील वंशज देखील प्रमुख भुमीकेत दिसणार आहेत. या चित्रपटाचे वारकरी, भाविकांना उत्स्कुता लागली आहे.
