महात्मा जोतिराव फुले शेतकरी कर्जमुक्‍ती योजना अंतर्गत प्रोत्साहनपर लाभ योजनेतून जिल्ह्यातील 37 हजार 614 शेतकर्‍यांच्या खात्यामध्ये 168 कोटी रुपये जमा करण्यात आले आहे. नियमित पिककर्ज परतफेड करणार्‍या शेतकर्‍यांना महात्मा जोतिराव फुले शेतकरी कर्जमुक्‍ती योजना अंतर्गत जिल्हा मध्यवर्ती सहकारी बँक आणि इतर बँकांकडून जिल्ह्यातील पात्र शेतकर्‍यांना विनाव्याज 50 हजार रुपयांचे प्रोत्साहनपर अनुदान शेतकर्‍यांच्या खात्यावर जमा करण्याचा निर्णय शासनाने घेतला होता. त्यानुसार जिल्ह्यातील पात्र शेतकर्‍यांच्या खात्यामध्ये अनुदान जमा करण्यात आले आहे.दरम्यान सन 2017-18, 2018-19 आणि 2019-20 या आर्थिक वर्षात नियमित पिककर्ज परतफेड केलेल्या 699 खातेदारांचे अद्यापही आधार प्रमाणीकरण केले नाही. त्यामुळे त्यांच्या खात्यावर प्रोत्साहनपर अनुदान जमा करण्यात आले नाही.
प्रोत्साहनपर अनुदानासाठी प्राप्‍त अर्ज - 39 हजार 487
आधार प्रमाणीकरण झालेली खाते - 38 हजार 993
आधार प्रमाणीकरण शिल्‍लक - 699
रक्‍कम वितरीत झालेली खाती - 37 हजार 614
लाभ वितरित झालेली रक्‍कम - 168 कोटी
