पाचगणी : पुढारी वृत्तसेवा : तलाठ्याची खोटी सही करून बनावट सातबारे सादर करून बँक ऑफ महाराष्ट्रच्या कुडाळ, ता. जावली येथील शाखेची सव्वा ते दीड कोटींची फसवणूक केल्याप्रकरणी जावली तालुक्यातील 49 जणांवर मेढा पोलिस ठाण्यात गुन्हा दाखल झाला आहे.
याबाबतची फिर्याद शाखाधिकारी सरोजकुमार भगत यांनी मेढा पोलिस ठाण्यात दिली आहे. या 49 जणांनी बोगस सातबारे उतारे तयार करून त्यावर तलाठी यांची खोटी सही करून व शिक्के मारून ते बँकेकडे सादर केले. त्या सातबारावर कर्ज घेऊन घेतलेल्या कर्जाची परतफेड केली नाही व बँकेची संगनमताने फसवणूक केली. बँकेने ही माहिती मेढा न्यायालयास दिल्यानंतर, मेढा न्यायालयाने फिर्याद दाखल करण्याचा आदेश दिल्यानंतर हा गुन्हा रजिस्टर करण्यात आला आहे.
बँक ऑफ महाराष्ट्रची फसवणूक केल्याप्रकरणी सचिन उत्तमराव शिंदे, विक्रांत बापूसाहेब शिंदे, बाळासाहेब जगन्नाथ अमराळे, सचिन लक्ष्मण जाधव, सचिन बापूसाहेब शिंदे, लक्ष्मण शहाबाद (सर्व रा. आखाडे) प्रवीण शिवाजी यादव (रा. आंबेघर) कांता चंद्रकांत बेलोसे (रा. बेलोशी), महादेव मदने, आदिनाथ लोहार, संगम जरे, छाया दीपक जाधव (सर्व रा. हुमगाव), संतोष शिवाजी पवार, संतोष बाळासाहेब कदम, सयाजी बाळासाहेब कदम, जयश्री सयाजी कदम (सर्व रा. कुडाळ), शिवाजी शंकर करंजकर, श्रीराम शंकर करंजकर, मच्छिंद्र शंकर बनकर(सर्व रा. रानगेघर), अक्षय भाऊसो दुर्गावळे, दिगंबर विठ्ठल गोळे, लिला विजय दुर्गावळे, अक्षय अशोक पवार (सर्व रा. सनपाने), विकास तानाजी नवले, भारती तानाजी नवले, वैभव तानाजी नवले, तानाजी आनंदराव नवले, संताजी दत्तात्रय नवले (सर्व रा. सरताळे), जितेंद्र यशवंत मेंगळे, नितीन यशवंत मेंगळे, (रा. शेते), प्रवीण शामराव परामने सोमर्डी, नवनाथ जगन्नाथ रांजणे वहागाव, सुधीर बबन यादव आंबेघर, अविनाश गायकवाड इंदवली या 49 जणांवर फसवणुकीचा गुन्हा दाखल करण्यात आला आहे. या सर्वांनी 2014 ते 2023 या कालावधीत ही फसवणूक केली असल्याचे तक्रारीत म्हटले आहे. मेढा सपोनि संतोष तासगावकर तपास करत आहेत.
