कितीही टार्गेट करा, नेम नीट नसल्याने लागणार नाही; शिवेंद्रराजेंचा उदयनराजेंवर निशाणा

सातारा: पुढारी वृत्तसेवा : सातारा कृषी उत्पन्न बाजार समितीच्या निवडणुकीसाठी आज (दि.३०) मतदान होत आहे. आमदार शिवेंद्रराजे यांनी मतदान केंद्रावर जाऊन आढावा घेतला. यावेळी त्यांनी पत्रकारांशी बोलताना खासदार उदयनराजे यांच्यावर पुन्हा एकदा टीका केली आहे. मला कितीही टार्गेट केले तरी समोरच्याचा नेम नीट नसल्यामुळे तो लागणार नाही, असा निशाणा शिवेंद्रराजे यांनी खासदार उदयनराजे यांच्यावर साधला.

बाजार समिती निवडणुकीचा निकाल काय लागणार हे पहिल्या दिवसापासून स्पष्ट आहे. आमच्या अजिंक्य पॅनलचे उमेदवार मोठ्या मताधिक्याने निवडून येणार आहेत, असा विश्वास व्यक्त करून शिवेंद्रराजे म्हणाले की, शेतकरी संघटनेचा मुखवटा उदयनराजे यांनी पुढे केला आहे. उदयनराजे यांना स्वतःला अगोदरच माहीत होते की आपल्याला निवडणुकीत यश मिळणार नाही. त्यामुळे त्यांनी शेतकरी संघटनेला पुढे केले आहे. त्यामुळे निकाल हा त्या दिवशीच स्पष्ट झाला आहे.

हेही वाचा 

• सातारा : खासदार उदयनराजे यांच्या स्‍वाभिमानी शेतकरी पॅनलचा धुव्वा उडवणार : शिवेंद्रराजे भोसले
• सातारा : 'अहो शेठ लय दिवसानं झालीया भेट'; वसंतराव मानकुमरे यांचा डान्स व्हिडिओ व्हायरल
• मुख्यमंत्री शिंदे अचानक सातारा दौऱ्यावर आल्याने चर्चांना उधाण