सातारा : विद्यार्थ्यांना शाळेत घेऊन जाणाऱ्या स्कूल बसला आग

सातारा : पुढारी वृत्तसेवा : खंडाळा तालुक्यातील वाठार कॉलनी येथे विद्यार्थ्यांना शाळेत घेऊन जाणाऱ्या स्कूल बसने अचानक पेट घेतली. आज (दि.२५) सकाळी ही घटना घडली. चालकाने समय सूचकता दाखवत विद्यार्थ्यांना वेळीच उतरवल्याने व गाडीपासून लांब नेल्याने मोठा अनर्थ टळला. सुदैवाने कोणतीही जीवितहानी झाली नाही. मात्र, स्कूल व्हॅनचे मोठे नुकसान झाले आहे.