शिवाजीराव चॅरीटेबल ट्रस्टच्या वतीने पृथ्वीराज पाटीलला २ लाखांचे बक्षीस : शंभूराज देसाई

सातारा : पुढारी वृत्तसेवा : साताऱ्यात शनिवारी पार पडलेल्या महाराष्ट्र केसरी कुस्ती स्पर्धेचा विजेता पृथ्वीराज पाटील यांना काही कारणामुळे प्रथम क्रमांकाचे बक्षीस मिळण्यास विलंब झाला. याबाबत मी तत्काळ दखल घेऊन कै. शिवाजीराव चॅरीटेबल ट्रस्टच्या वतीने २ लाखांचा धनादेश आजच (दि. १०) पृथ्वीराज पाटील यांच्या मूळगावी पाठवला आहे, अशी माहिती गृह (ग्रामीण) राज्यमंत्री शंभूराज देसाई यांनी दिली.

• महाराष्ट्र केसरी पृथ्वीराजला आमदार शिवेंद्रराजेंकडून ५ लाखांचे बक्षीस जाहीर

सातारा- जावलीचे आमदार व अजिंक्य उद्योगसमुहाचे प्रमुख शिवेंद्रराजे भोसले यांनी तातडीने पृथ्वीराजला सातारा-जावलीकरांच्यावतीने ५ लाख रुपयांची रोख रक्कम जाहीर केली आहे. तर महाराष्ट्र केसरी पृथ्वीराज पाटील झाल्यानंतर त्याला बक्षीसापोटी काहीच न रक्कम मिळाल्याने सोशल मीडियात चांगलाच संताप व्यक्त केला जात आहे. या पार्श्वभूमीवर विरोधी पक्षनेते देवेंद्र फडणवीस यांनी पृथ्वीराज पाटीलला भाजपकडून ५ लाख रुपयांचे बक्षीस जाहीर केले आहे.

• 'महाराष्ट्र केसरी' पृथ्वीराज पाटीलला भाजपकडून ५ लाखांचे बक्षीस; देवेंद्र फडणवीसांची घोषणा
  
  दरम्यान, पृथ्वीराज पाटील याने मुंबईच्या प्रकाश बनकरला अस्मान दाखवत मानाची गदा मिळवली. मात्र, या झालेल्या स्पर्धेनंतर बक्षीसच न मिळाल्याची खंत पृथ्वीराज पाटील यानं बोलून दाखवली होती. यावर त्याचे चुलते संग्राम पाटील आणि जागतिक कुस्ती स्पर्धेतील विजेते सोनबा गोंगाने यांनी देखील नाराजी व्यक्त केली आहे.

हेही वाचलंत का ? 

• बसपा प्रमुख मायावती यांचे राहुल गांधींना प्रत्‍युत्तर, म्‍हणाल्‍या "स्वत:चे घर…"
• सुकन्या समृद्धी योजना : दर महिन्याला 3000 रुपयांची गुंतवणूक, मिळणार १५ लाखांचा परतावा!
• महाराष्ट्र केसरीचं स्वप्न पूर्ण केलं अन् पृथ्वीराज गदा कुशीत घेऊन झोपला ; फोटो व्हायरल

पाहा व्‍हिडीओ :