तासगाव; पुढारी वृत्तसेवा : जरंडी (ता. तासगाव) येथील दोन युवकांनी एका अल्पवयीन मुलीला धमकावून तिच्यावर बलात्कार केला. याप्रकरणी तासगाव पोलिस ठाण्यात शुभम साहेबराव शिंदे व राजेंद्र मोहन शिंदे या दोघांवर पोक्सो व अॅट्रॉसिटी कायद्याअंतर्गत गुन्हा दाखल झाला आहे.
पोलिसांनी दिलेली माहिती अशी : पीडित मुलगीचे आई-वडील काही दिवसांसाठी परगावी गेले होते. त्यावेळी घरी पीडित मुलगी, तिचा भाऊ व मावशी घरी होते. आई-वडील परगावाहून परत आले. त्यावेळी मुलगी तणावात असल्याचे त्यांच्या निदर्शनास आले. त्यांनी तिला विश्वासात घेऊन विचारले असता तिने संशयित राजेंद्र व शुभम यांनी तिला मारहाणीची धमकी देत बलात्कार केल्याचे सांगितले. याप्रकरणी मुलीच्या नातेवाईकांनी तासगाव पोलिस ठाण्यात फिर्याद दिली आहे.
