सांगली : सराफ बाजारामध्ये शुक्रवारी सोन्याच्या दरात किरकोळ वाढ झाली. दुसरीकडे चांदीच्या दरात मात्र मोठी घसरण झाल्याने गुंतवणूकदारांचे लक्ष बाजाराकडे वेधले गेले आहे.
गुरुवारी सांगलीत सोन्याचा दर 1 लाख 53 हजार रुपये प्रति तोळा होता. शुक्रवारी यामध्ये 700 रुपयांची वाढ होऊन तो 1 लाख 53 हजार 700 रुपयांवर पोहोचला. आंतरराष्ट्रीय बाजारातील घडामोडींचा हा परिणाम असल्याचे बोलले जात आहे. उलट चांदीच्या दराने शुक्रवारी मोठी गटांगळी खाल्ली. गुरुवारी चांदीचा दर 2 लाख 57 हजार रुपये प्रति किलो होता, तो शुक्रवारी थेट 2 लाख 50 हजार रुपयांपर्यंत खाली आला. एकाच दिवसात चांदी तब्बल 7 हजार रुपयांनी स्वस्त झाली. सोन्यातील किरकोळ वाढ आणि चांदीची मोठी घसरण, यामुळे बाजारात अस्थिरताआहे.
