रायगड : यावर्षी रायगड जिल्ह्यात मुबलक पाऊस पडला आहे. त्यामुळे जिल्ह्यातील धरण क्षेत्रात चांगला पाणीसाठा उपलब्ध आहे. रायगड जिल्ह्यातील २८ धरणक्षेत्रात सरासरी ९४.५३ टक्के पाणीसाठा उपलब्ध असून यापैकी १८ धरणक्षेत्रात १०० टक्के पाणीसाठा उपलब्ध आहे.२८ पैकी १७ धरणक्षेत्रात कमी अधिक प्रमाणात पाण्याचा विसर्ग सुरू आहे.
रायगड जिल्ह्यातील २८ धरण क्षेत्रातील पाण्याचा साठा पाहिल्यास मुरुड तालुक्यातील फणसाड धरणक्षेत्रात १०० टक्के, तळा तालुक्यातील वावा धरणक्षेत्रात १०० टक्के, रोहा तालुक्यातील सुतारवाडी धरणक्षेत्रात १०० टक्के, पेण तालुक्यातील आंबेघर धरणक्षेत्रात ९१ टक्के, अलिबाग तालुक्यातील श्रींगाव धरणक्षेत्रात ९५ टक्के, सुधागड तालुक्यातील कोंडगाव धरणक्षेत्रात १०० टक्के, घोटवडे धरणक्षेत्रात १०० टक्के, ढोकशेत धरणक्षेत्रात १०० टक्के, कवेळे धरणक्षेत्रात १०० टक्के, उन्हेरे धरणक्षेत्रात १०० टक्के, श्रीवर्धन तालुक्यातील कार्ले धरणक्षेत्रात ८९ टक्के, कुडकी धरणक्षेत्रात १०० टक्के, रानीवली धरणक्षेत्रात ८७ टक्के, म्हसळा तालुक्यातील पाभरे धरणक्षेत्रात १०० टक्के, संदेरी धरणक्षेत्रात १०० टक्के पाणीसाठा उपलब्ध आहे.
तसेच महाड तालुक्यातील वरंध धरणक्षेत्रात १०० टक्के, खिंडवाडी धरणक्षेत्रात १०० टक्के, कोथुर्डे धरणक्षेत्रात १०० टक्के , खैरे धरणक्षेत्रात १०० टक्के, कर्जत तालुक्यातील साळोख धरणक्षेत्रात ६५ टक्के ,अवसरे धरणक्षेत्रात ७१ टक्के, खालापूर तालुक्यातील भिलवले धरणक्षेत्रात १०० टक्के, कलोते मोकाशी धरणक्षेत्रात १०० टक्के, डोणवत धरणक्षेत्रात १०० टक्के, पनवेल तालुक्यातील मोरबे धरणक्षेत्रात ९२ टक्के, बामणोली धरणक्षेत्रात ८९ टक्के, उसरण धरणक्षेत्रात ८९ टक्के, उरण तालुक्यातील पुनाडे धरणक्षेत्रात ७९ टक्के पाणीसाठा उपलब्ध आहे असे एकूण रायगड जिल्ह्यातील रायगड पाटबंधारे विभाग कोलाड अंतर्गत येत असलेल्या २८ धरण क्षेत्रात ९४.५३ टक्के पाणीसाठा उपलब्ध आहे.१७ धरणक्षेत्रात कमी अधिक प्रमाणात पाण्याचा विसर्ग सुरू आहे.
