जळोची : पुढारी वृत्तसेवा : 1 एप्रिलपासून झालेल्या वीज दरवाढीने पश्चिम महाराष्ट्रतील 'सूत उद्योग' धोक्यात येणार आहे. इतर राज्यांच्या तुलनेत महाराष्ट्रात सूत उद्योगासाठी जास्त वीज दरवाढ आकारली जाते; परंतु मागास भाग व कापूस उत्पादक म्हणून विदर्भ व मराठवाडा येथील सूत उद्योगास वीजदरांमध्ये महावितरण विशेष सवलत देते. पश्चिम महाराष्ट्रातील सूत उद्योगास कोणत्याही सवलती नाहीत.
मार्च 2022 ते मार्च 2023 विजेचे प्रतियुनिट दर
(सर्व आकार धरून-रुपयात) : महाराष्ट्र : 10.85, कर्नाटक : 8.60, गुजरात : 6.58, मध्य प्रदेश : 8.89, छत्तीसगड : 7.91, तेलंगणा : 8.81, आंध— प्रदेश : 7.51.
वीज दरवाढ रद्द करावी
बारामती तालुक्यातील एकमेव सूत उद्योग म्हणजे 'जीटीएन इंजिनिअरिंग'. बारामती एमआयडीसीची स्थापना झाल्यापासून सोमा व त्यानंतर जीटीएन नावाने ही कंपनी अस्तित्वात आहे; परंतु आर्थिक संकट नव्हते. कोरोना महामारीमध्ये कंपनी टिकली; परंतु सर्व क्षेत्रांतील वाढती महागाई, कर्मचार्यांचा पगार व आता वाढते वीज दर यामुळे कंपनी चालविणे कठीण झाले आहे. एप्रिलपासून झालेली नवीन वीज दरवाढ रद्द करावी, अशी मागणी जीटीएनचे वरिष्ठ उपाध्यक्ष उद्धव मिश्रा यांनी केली आहे.
