पिंपरी; पुढारी वृत्तसेवा: हिंजवडी परिसरात प्लॉट देण्याच्या आमिषाने नागरिकांकडून तीन कोटी सहा लाख रुपये गोळा करून त्यांची फसवणूक केली. ही घटना सन 2012 ते सन 2021 या कालावधीत साईरंग डेव्हलपर्स, हिंजवडी येथे घडली. याप्रकरणी तेजस सॅमसन गायकवाड (36, रा. रा. किवळे) यांनी हिंजवडी पोलिस ठाण्यात फिर्याद दिली आहे. त्यानुसार, साईरंग डेव्हलपर्सचे मालक के. आर. मलिक, शाहरुख मलिक, एक महिला आणि इतर लोकांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी आणि अन्य नागरिकांनी साईरंग डेव्हलपर्सचे मालक आरोपी यांना सन 2012 ते सन 2021 या कालावधीत हिंजवडी परिसरात प्लॉट घेण्यासाठी पैसे दिले. दरम्यान, आरोपींनी पैसे घेऊन नागरिकांना प्लॉट आगर प्लॉटचे पैसे परत न देता तीन कोटी सहा लाख नऊ हजार 743 रुपयांची फसवणूक केली, असे फिर्यादीत नमूद आहे. हिंजवडी पोलिस तपास करीत आहेत.
