महापालिकेकडील पाण्यासाठी 900 रुपयांचे चलन काढल्यानंतर दहा हजार लिटर पाणी मिळते. चलन काढल्यानंतर स्वारगेट केंद्रावरून पाणी भरून दिले जात होते. मात्र, टँकर लॉबीच्या फायद्यासाठी वडगाव शेरी येथील केंद्रावरून टँकर भरून दिले जात आहेत, त्यामुळे निविदांच्या टँकरपेक्षा अगोदर प्राधान्य चलन काढलेल्या टँकरला मिळत आहे. कर्मचारी अधूनमधून विनाचलन देखील टँकर भरून पाठवत असतात. त्याचे पैसे मात्र कर्मचारी टँकर चालकांकडून स्वतःकडे ठेवत असतात. चलनाद्वारे भरलेल्या टँकरचे पाणी हॉटेल, कॉलेज, खासगी ठिकाणे, सोसायट्या, बांधकाम साईट आदींना पुरवून समोरच्याकडून 4 ते 5 हजार रुपये घेतले जात आहेत.