पुणे : पुढारी वृत्तसेवा : मद्यधुंद अवस्थेत आलिनाश पोर्शे गाडी बेफाम वेगात चालवून दोघांचा जीव घेणारा अल्पवयीन मुलगा आणि त्याच्या मित्रांना मद्यविक्री केल्याबाबतचा प्रकार निदर्शनास आल्यानंतर जिल्हाधिकार्यांनी मुंढवा येथील कोझी आणि मेरियट सूटमधील हॉटेल ब्लॅक यांना दणका दिला आहे. या दोन्ही हॉटेलला (पब) कारणे दाखवा नोटीस काढत, सात दिवसांत उत्तर देण्याचे आदेश दिले आहेत. त्याबरोबरच सात दिवसांत उत्तर न दिल्यास एकतर्फी कारवाई करण्याचेही आदेशात नमूद केले आहे.
आयटी अभियंता तरुण-तरुणीच्या अपघाती मृत्यूचा प्रकार समोर आल्यानंतर, राज्य उत्पादन शुल्क विभागाने (एक्साईज) अल्पयवीन मुलगा पार्टीसाठी ज्या पबमध्ये गेला होता, तेथील पाहणी केली. त्या वेळी सीसीटीव्ही फुटेजमध्ये तो आणि त्याचे मित्र पार्टीत मद्य प्राशन करताना दिसून आले आहेत. तसेच, त्यांना मद्यविक्री केल्याचे तेथील बिलावरून आणि त्यांनी दिलेल्या पैशांवरून पुढे आले आहे. याबाबतचा अहवाल राज्य उत्पादन शुल्क विभागाने जिल्हाधिकार्यांकडे सादर केला होता.
रेस्टॉरंट बारमध्ये ग्राहकांना मद्यविक्री करण्यापासून ते मद्य पिणार्यांसाठी एक्साईजची काय नियमावली आहे, याबाबत एक्साईजचे निरीक्षक वसंत कौसडीकर काय सांगतात ते पाहा एका दृष्टिक्षेपात…
हेही वाचा
