पुणे : महिना आणि वर्षअखेरचा आठवडा असल्यामुळे गेल्या आठवड्यात येथील घाऊक बाजारात ग्राहकांची वर्दळ कमी होती. यामुळे उलाढाल कमी प्रमाणात झाली. मागणीअभावी साखरेच्या दरात क्विंटलमागे आणखी 50 रुपयांनी घट झाली. मात्र, खाद्यतेलांसह अन्नधान्ये, डाळी-कडधान्यांचे दर सर्वसाधारणपणे स्थिर असल्याचे येथील घाऊक बाजारात फेरफटका मारला असता स्पष्ट झाले.
केंद्र सरकारने जानेवारी महिन्यासाठी बावीस लाख टनाचा साखरेचा कोटा जाहीर केला. सध्या साखरेस उठाव कमी असल्यामुळे हा कोटा मुबलक आहे. आवक मुबलक असून, मागणी कमी असल्यामुळे गेल्या आठवड्यातही साखरेच्या दरात क्विंटलमागे 50 रुपयांनी घट झाली. शनिवारी येथील घाऊक बाजारात साखरेचा प्रतिक्विंटलचा दर 3450 ते 3500 होता. आवक-जावक साधारण असल्यामुळे गुळाच्या दरात फारसा फेरबदल आढळला नाही. संक्रांतीचा सण जवळ आल्यामुळे विविध जिन्नस बनविण्याकरिता चिक्की गुळास मागणी चांगली असून, गुळाच्या दरातील तेजी कायम आहे.
नव्या तुरीची आवक तुरळक प्रमाणात होत असून, येत्या काही दिवसात आवक वाढेल असा अंदाज आहे. आवक जावक साधारण असल्यामुळे गेल्या आठवडयात सर्व प्रकारच्या डाळी आणि तांदळाचे दर स्थिर होते. हंगामाचा अखेरचा कालावधी सुरु झाल्यामुळे गव्हाचा तुटवडा जाणवत असून दरात मोठी वाढ झाली आहे. विशेषतः आटा, रवा आणि मैदा तयार करण्यासाठी लागणार्या मिलबर गव्हाचा चांगलाच तुटवडा जाणवत असून दरात मोठी वाढ झाली आहे.
गव्हाची दरवाढ रोखण्याकरिता अन्न महामंडळाकडून खुल्या बाजारात गव्हाची विक्री सुरु करण्यात यावी, अशी मागणी करण्यात येत आहे. आवक-जावक साधारण असल्यामुळे गेल्या आठवडयात शेंगदाणा तेलांसह सर्वच खाद्यतेलांचे दर स्थिर होते. आंतरराष्ट्रीय बाजारातही सध्या खाद्यतेलांचे दर स्थिर असून आयात नियमितपणे होत आहे. यामुळे दरात फारसा बदला आढळला नाही.
पुण्याच्या घाऊक बाजारातील दर पुढीलप्रमाणे : साखर (प्रतिक्विंटल) : 3450-3500 रु.
खाद्यतेले (15 किलो/लिटर) : शेंगदाणा तेल 2600-2700, रिफाईंड तेलः 2450-3250, सरकी तेल 1800-2200, सोयाबीन तेल 1850-2050, पामतेल 1450-1700, सूर्यफूल रिफाईंड तेल 2100-2200, वनस्पती तूप 1420-1900, खोबरेल तेल 2350 रु. तांदूळ : गुजरात उकडा 3800-4000, मसुरी 3200-3500, सोनामसूरी 4000-4500, एच.एम.टी. कोलम 4700-5000, लचकारी कोलम 5500-6000, चिन्नोर 4000-4500, 1121-1100-12000, आंबेमोहोर (सुवासिक) 8000-8500, बासमती अखंड 11000-11500, बासमती दुबार 8500-9000, बासमती तिबार 9500-10000, बासमती मोगरा 4500-5500, बासमती कणी 3500-3700, 1509-8000-8500, इंद्रायणी 4200-4700 रु.
गहू : सौराष्ट्र लोकवन नं. 1 3900-4000, सौराष्ट्र लोकवन नं. 2 3400-3600, एम.पी. लोकवन 3250-3600, सिहोर नं. 1 5000-5600, सिहोर नं. 2 4200-4500, सिहोरी 3600-4000, मिलबर 3100 रु. ज्वारी : गावरान नं. 1-5200-5400, गावरान नं. 2-4500-4800, नं. 3 4000-4400, दूरी 3700-3900 रु. बाजरी : महिको 3300-3500, गावरान 3000-3200, हायब्रीड 2800-2900 रु.
गूळ : गूळ एकस्ट्रा 3700-4000, गूळ नं. 1 3250-3400, गूळ नं. 2 3050-3200, गूळ नं.3 2900-3000, गूळ नं. 4 2700-2850, बॉक्स पॅकिंग 3000-4800, चिक्की गूळ पिल्ले / बॉक्स 4000-5000 रु. डाळी : तूरडाळ 10000-12000, हरभराडाळ 5700-5900, मूगडाळ 8500-9500, मसूरडाळ 7800-7900, मटकीडाळ 9700-9800, उडीदडाळ 8000-10500 रु.
कडधान्ये : हरभरा 5000-5200, हुलगा- 8000-8500 चवळी 7500-8000, मसूर 72000-7500, मूग 7800-8000, मटकी गावरान 11500-12500, मटकी पॉलिश 7500-8000, मटकी गुजरात 7500-7700, मटकी राजस्थान 7500-8000, मटकी सेलम 14000-14500, वाटाणा हिरवा 5800-6000, वाटाणा पांढरा 6500-6600, काबुली चणा 12000-15000 रु. साबुदाणा : साबुदाणा नं.1 6000, साबुदाणा नं.2 5700, साबुदाणा नं.3 5500 रु. वरई भगर : 11000-12000, सावा भगर 10000-11000, गोटा खोबरे 1400-1700 रु.
शेंगदाणा : जाडा 10500-12000, स्पॅनिश – 11200, घुंगरु 10500-15000, टीजे 9300 रु. धने : गावरान 12000-13000, इंदूर 14000-17000 रु. मका लाल : 2675-2725, पिवळा 2650-2700, पांढरा 3000-3200 रु.
पोहे : मध्य प्रदेश 3800-4200, पेण 3800-3900, मध्यम पोहा-3500-4100, दगडी पोहा 3600-4200, पातळ पोहा 4200-5000, सुपर पोहा 4200-4500, भाजका पोहा 600-650, मका पोहा 625-675, भाजके डाळे 2800-3200, मुरमुरा (9 किलोस) 475-525, भडंग 650-775, घोटी 450-475, सुरती 475-500 रु. रवा, मैदा, आटा : (50 किलोचा भाव) आटा 1650-1750, रवा 1725-1775, मैदा 1750-1800 बेसन :- (50 किलोस) 3300-3600 रु. मीठ : मीठ खडे (50 किलोस) 260, मीठ दळलेले (50 किलोस) 260 रु.
मिरची : काश्मीरी ढब्बी 45000-47000, ब्याडगी 35000-37000, लवंगी तेजा 23000-25000, गुंटूर 25000-27000, खुडवा गंटूर 5500-6000, खुडवा ब्याडगी 4000- 4500 रु. नारळ : (शेकडयाचा भाव): नवा नारळ पॅकिंग 1350-1400, मद्रास 2500-2600, पालकोल जुना 1500-1550, सापसोल 2000-2700 रु.
