Saswad jowar price news
सासवड: पुरंदर तालुक्यातील निरा कृषी उत्पन्न बाजार समितीच्या सासवड उपबाजारात बुधवारी (दि. 13) ज्वारीला प्रतिक्विंटल 3 हजार 800 रुपयांचा कमाल दर मिळाला. ही माहिती बाजार समितीचे सभापती संदीप फडतरे यांनी दिली.
सासवड उपबाजारात वाघापूर, माळशिरस, परिंचे, वाल्हा, राजुरी, गराडे, दिवे तसेच पुरंदर, बारामती, दौंड, इंदापूर, भोर आदी भागांतून ज्वारी, बाजरी, गहू, तांदूळ, हरभरा यासह विविध धान्यांची मोठ्या प्रमाणात आवक झाली. समितीचे सचिव मिलिंद जगताप यांनी दिलेल्या माहितीनुसार, एक नंबर प्रतीच्या ज्वारीला कमाल 3,800 रुपये, दोन नंबर प्रतीस किमान 2,650 रुपये, तर सरासरी 3,225 रुपये प्रतिक्विंटल दर मिळाला. (Latest Pune News)
या वेळी सभापती फडतरे, उपसभापती बाळासाहेब शिंदे, संचालक शरद जगताप, गणेश होले, अनिल माने, अशोक निगडे, भाऊसाहेब गुलदगड, पंकज निलाखे, वामनभाऊ कामठे, देविदास कामठे, लिपिक विकास कांबळे यांच्यासह व्यापारी आर. के. ट्रेडर्सचे रूपचंद कांडगे, आर. आर. ट्रेडर्सचे राजेंद्र जळींद्रे, अविनाश महाजन, नंदकुमार महाजन, सत्यवान पवार, जितेंद्र महाजन, शैलेश वीरकर आदी उपस्थित होते.
गुळाची आवक 683 बॉक्स
गुळाची आवक 683 बॉक्स (136 क्विंटल) झाली असून किमान दर 4,350 रुपये, तर कमाल दर 4,525 रुपये इतका मिळाला. गूळबाजाराची माहिती सहसचिव नितीन किकले, कृष्णात खलाटे व प्रवीण कर्णवर यांनी दिली. या वेळी गूळ व्यापारी शांतिकुमार कोठडिया उपस्थित होते.
