पुणे :भाडे थकबाकीदार शासकीय कार्यालये महापालिकेच्या रडारवर

पुणे : पुढारी वृत्तसेवा

महापालिकेच्या मालकीच्या ज्या विविध स्वरूपाच्या इमारती शासकीय कार्यालयांसाठी भाड्याने दिलेल्या आहेत आणि ज्यांनी पालिकेचे भाडे थकविले आहे, अशा मिळकतीही आता प्रशासनाच्या रडारवर आल्या आहेत. महिनाअखेरपर्यंत थकबाकी न भरल्यास त्या ताब्यात घेण्याचा इशारा मालमत्ता व व्यवस्थापन विभागाचे प्रमुख राजेंद्र मुठे यांनी दिला आहे.

Gunaratna Sadavarte : गुणरत्न सदावर्तेंच्या पत्नीविरोधात गुन्हा दाखल; पोलीस संरक्षण सोडलं

महापालिकेच्या मालकीच्या अनेक मिळकती शासकीय कार्यालयांना भाडेतत्त्वावर दिलेल्या आहेत. या इमारतींमध्ये प्रामुख्याने शासनाची तहसील कार्यालये, दुय्यम निबंधक कार्यालय, पीएमआरडीए कार्यालयांचा समावेश आहे. मात्र, यामधील अनेक इमारतींचे जवळपास 1 कोटी 81 लाख 11 हजारांचे भाडे थकले आहे. प्रशासनाने नोटिसा पाठवूनही ही थकबाकी वसूल झालेली नाही. त्यामुळे प्रशासनाने या कार्यालयांना नोटिसा बजाविल्या आहेत.

ब्रेकिंग! सातारा : गुणरत्न सदावर्ते यांना ४ दिवसांची पोलीस कोठडी

संबंधित इमारतीचे भाडे 30 एप्रिलपर्यंत पालिकेकडे जमा करावे अन्यथा भाडे थकबाकी न भरल्यास संबंधित मिळकत विनानोटीस कोणतीही पूर्वसूचना न देता एकतर्फी ताब्यात घेण्यात येईल, असा थेट इशारा देण्यात आला आहे. त्यानुसार प्रशासनाने कार्यवाही सुरू केली असल्याचे उपायुक्त मुठे यांनी सांगितले.

गृहमंत्रिपदाचा हिसका दाखवा ; भाजप नेत्यांना तुरुंगात पाठवा : एकनाथ खडसे

हे आहेत शासकीय थकबाकीदार

औंध येथील महाराजा सयाजीराव उद्योग भवनातील सहआयुक्त, अन्न व औषध प्रशासन कार्यालय 1 कोटी 3 लाख रुपये, पीएमआरडीएच्या कार्यालयाची 18 लाख, सहायक जिल्हा निबंधक कार्यालय 13 लाख 80 हजार, महारेरा कार्यालय 3 लाख 53 हजार, पोस्ट ऑफिस कार्यालय 3 लाख 53 हजार, एरंडवणा येथील सहदुय्यम निबंधकाच्या सहायक कार्यालयांचे तब्बल 20 लाख 74 हजारांचे भाडे थकीत आहे. वारजे-कर्वेनगर येथील क्षेत्रीय कार्यालयातील तहसीलदार कार्यालय 10 लाख 3 हजार, तसेच सारसबाग बसस्टॉप, सदाशिव पेठ येथील तहसीलदार कार्यालय 5 लाख 28 हजार अशा प्रमुख भाडे थकीत शासकीय कार्यालयांचा समावेश आहे.