पुणे: पुणे, पिंपरी चिंचवडसह जिल्ह्यात शुक्रवारी सलग पाचव्या दिवशी मुसळधार ते हलक्या पावसाने हजेरी लावली. घाटमाथ्यावर अतिमुसळधार पाऊस सुरूच असून, आगामी दोन दिवस तेथे मुसळधारेचा ऑरेंज अलर्ट देण्यात आला आहे.
जिल्ह्यात पाच दिवसांपासून चांगला पाऊस सुरू असून, ३० जुलैपर्यंत हलका ते मध्यम पाऊस होईल, असा अंदाज हवामान विभागाने दिला आहे. बुधवार, गुरुवारी जिल्ह्यात दमदार पाऊस झाला. शुक्रवारी पाऊस कमी होईल असे वाटत होते. कारण दुपारपर्यंत बहुतांश भागात कडक ऊन पडल्याने पाऊस दिवसभर उघडीप देईल असे वाटत होते. मात्र, दुपारी ४.३० नंतर पावसाला सुरुवात झाली.
शुक्रवारी जिल्ह्यात झालेला पाऊस
कुरवंडे ७७.५, गिरीवन ६४.५, भोर २५,तळेगाव २५, चिंचवड २२, माळीण ११, एनडीए ९.५, पाषाण ७.६, डुडुळगाव ७.५, दापोडी ७, शिरूर ६, बालेवाडी ४.५, राजगुरुनगर ४.५, शिवाजीनगर ४.४, निमगिरी ४, हडपसर २.५, कोरेगाव पार्क १.५, दौंड ०.५, बारामती ०.२
