पुणे : पुढारी वृत्तसेवा : सावधान ! आजपासून सात दिवस शहरांत उष्णतेची लाट अतितीव्र होणार असल्याचा इशारा हवामान विभागाने दिला आहे. रविवार उष्ण झळांचा ठरला. उन्हाचा तडाखा इतका होता की पुणेकरांनी कुलरसमोर बसूनच घालवणे पसंत केले.
शिवाजीनगर 41, तर कोरेगाव पार्क, चिंचवडचा पारा 43 अंशांवर गेला होता. यंदा मार्चपासूनच शहरातील कमाल तापमान टिपेला आहे. एप्रिलमध्ये ही लाट अधिक तीव्र झाली. आता शेवटच्या आठवड्यात तर अतितीव्र लाट सक्रिय होत आहे. 29 एप्रिलपासून या लाटेला प्रारंभ होत असून, 5 मे पर्यंत ही लाट सक्रिय राहील, असा अंदाज पुणे वेधशाळेने दिला आहे. रविवारी त्याची झलक दिसली. शहरातील सर्वच भागात उष्ण वारे दिवसभर वाहत होते. त्यामुळे घरात बसूनही असह्य उकाडा जाणवत होता.
हेही वाचा
