पुणे : जनसामान्यांच्या वाहतुकीचा आधार असलेली, 'रस्ता तिथे एसटी' हे ब्रीद घेऊन अविरत सेवेत असलेल्या एसटीला ज्येष्ठ अमृत योजना, महिला सन्मान योजनेमुळे सुगीचे दिवस आले आहेत. शासनाकडून मिळत असलेल्या सवलतीमुळे ज्येष्ठ नागरिक व महिला प्रवाशांची प्रचंड गर्दी होत आहे. परिणामी, पुणे विभागाच्या उत्पन्नात चौपट वाढ झाली आहे, तर प्रवासी संख्या पाचपटीने वाढली आहे. वय वर्ष 75 व त्या पुढील वयाच्या नागरिकांसाठी राज्य परिवहन (एस.टी.) महामंडळाच्या माध्यमातून "अमृत मोफत प्रवास" योजना आणि महिलांसाठी प्रवास भाड्यात 50 टक्के सवलत असलेली "महिला सन्मान" ही महिला विशेष अशा दोन स्वतंत्र योजना सुरू केल्या.