पुणे : पुणे बार असोसिएशनच्या वार्षिक निवडणुकीची तारीख बदलली असून, पूर्वी जाहीर केलेल्या 6 फेबुवारीऐवजी आता 4 फेबुवारी रोजी मतदान होणार आहे. सकाळी नऊ ते सायंकाळी पाच यादरम्यान मतदानप्रक्रिया पार पडणार असून त्याच दिवशी रात्री मतमोजणी करून निकाल जाहीर केला जाणार आहे, अशी माहिती मुख्य निवडणूक निर्णय अधिकारी ॲड. प्रताप परदेशी आणि उपअधिकारी ॲड. धैर्यशील पाटील यांनी दिली.
जिल्हा परिषद व पंचायत समितीच्या निवडणुकांमध्ये झालेल्या बदलामुळे हा निर्णय घेण्यात आला आहे. उपमुख्यमंत्री अजित पवार यांच्या विमान दुर्घटनेतील मृत्यूमुळे तीन दिवसांचा दुखवटा जाहीर करण्यात आला असून, त्यामुळे जिल्हा परिषद निवडणुकीची तारीख पुढे ढकलण्यात आली आहे.
आता 7 फेबुवारी रोजी मतदान व 9 फेबुवारीला मतमोजणी होणार आहे. पुणे बार असोसिएशनमधील अनेक वकील ग््राामीण भागातील असल्याने त्यांना दोन्ही निवडणुकांमध्ये सहभाग घेता यावा आणि मतदानापासून वंचित राहावे लागू नये, यासाठी मुंबई उच्च न्यायालयाच्या परवानगीने निवडणुकीच्या तारखेत बदल करण्यात आल्याचे ॲड. परदेशी यांनी सांगितले.
