पुणे; पुढारी वृत्तसेवा : देशाच्या पश्चिम किनारपट्टीक्षेत्रात मासेमारी बंदी लागू झाली असून पूर्व किनारपट्टीवरून अद्याप अपेक्षित आवक सुरू झाली नाही. सद्य:स्थितीत पश्चिम किनारपट्टीवर परतत असलेल्या बोटींमधून मासळी बाजारात दाखल होत आहे. मागणीच्या तुलनेत आवक कमी असल्याने मासळीच्या भावात दहा ते पंधरा टक्क्यांनी वाढ झाली आहे.
पूर्व किनारपट्टी असलेले हावडा, ओरीसा, आंध्र प्रदेश व तामिळनाडू भागात मासेमारीस सुरवात झाली आहे. मात्र, तेथून देशातील मोठ्या शहरांमध्ये मासळी विक्रीसाठी पाठविण्यात येत आहे. शहरात मासळीची आवक पाच दिवसानंतर वाढेल व त्यानंतर वाढलेले दर काही प्रमाणात खाली येतील. दरम्यान, बाजारात पक्ष्यांची उपलब्धता कमी प्रमाणात होत आहे.
बाजारात दाखल होत असलेल्या पक्षांच्या तुलनेत मागणी जास्त असल्याने चिकनच्या भावात किलोमागे दहा रुपयांनी वाढ झाली आहे. याखेरीज, इंग्लिश अंड्याच्या भावातही शेकड्यामागे 35 रुपयांनी वाढ झाली आहे. तर मागणी कमी राहिल्याने गावरान अंडी शेकड्यामागे तीस रुपयांनी उतरली. मटणाचे भावही गत आठवड्याच्या तुलनेत टिकून असल्याचे सांगण्यात आले.
गणेश पेठेतील मासळी बाजारात रविवारी (दि. 4) खोल समुद्रातील मासळीची 5 ते 6 टन, खाडीच्या मासळीची 200 ते 400 किलो, तर नदीच्या मासळीची एक ते दीड टन इतकी आवक झाली. आंध्र प्रदेश येथून रोहू, कटला आणि सिलनची सुमारे 15 ते 20 टन इतकी आवक झाली, अशी माहिती मासळीचे व्यापारी ठाकूर परदेशी, चिकन-अंड्यांचे व्यापारी रूपेश परदेशी आणि मटणाचे विक्रेते प्रभाकर कांबळे यांनी दिली.
खोल समुद्रातील मासळी (प्रतिकिलोचे दर) – पापलेट : कापरी : 1800-2000, मोठे : 1600, मध्यम : 1400-1500, लहान : 950-1000, भिला : 600-700, हलवा : 800-1000, सुरमई : 1000-1200, रावस : 800-1000, घोळ : 700-800, करली : 400-500, करंदी (सोललेली) : 440-480, भिंग : 360-400, पाला : 1200-1400, वाम : काळी 400-500, पिवळी 900-1000, ओले बोंबील : 280-300. कोळंबी : लहान 360-400, मोठी : 400-550, जंबो प्रॉन्स : 1400-1500, किंग प्रॉन्स : 700-800, लॉबस्टर : 2000, मोरी : 360-400, मांदेली : 100-160, राणीमासा : 300-350, खेकडे : 280-320, चिंबोर्या : 480-550. खाडीची मासळी : सौंदाळे : 300-350, खापी : 300-350, नगली : 400-500, तांबोशी : 500-600, पालू : 280-360, लेपा : 240-280, बांगडा : लहान 160-200 मोठा 240-280, शेवटे : 300-350, पेडवी : 120-140, बेळुंजी : 160-200, खुबे : 120-140, तिसर्या : 240-280, तारली : 160-200. नदीतील मासळी : रहू : 160-200, कतला : 160-200, मरळ : 440-480, शिवडा : 280-320, खवली : 300-350, आम्ळी : 160-200, खेकडे : 400-480, वाम : 600. मटण : बोकडाचे : 700, बोलाई : 700, खिमा : 700, कलेजी : 740, चिकन : 240, लेगपीस : 290, जिवंत कोंबडी : 180, बोनलेस : 330. अंडी : गावरान (शेकडा) 890, डझन 120, प्रतिनग 10. इंग्लिश (शेकडा) 555, डझन 78, प्रतिनग 6.50.
