पिंपरी; पुढारी वृत्तसेवा : गेल्या आठवड्यात जिल्हा आणि परिसरात अवकाळी पावसाने हजेरी लावली, तर काही ठिकाणी गारपीट झाली. परिणामी शेतातील पालेभाज्यांची नासाडी झाली. त्यामुळे शहरातील भाजी मंडईत आवक घटली असून, पालेभाज्या महागल्या आहेत. तसेच आल्याचे दरही वाढले आहेत. तर कांदा आणि टोमॅटोचे दर घसरले आहेत.
पिंपरी-चिंचवड शहरातील मोशी उपबाजार, पिंपरी येथील लाल बहादुर शास्त्री भाजी मंडई व आकुर्डी येथील किरकोळ बाजारात कोथिंबीर 30 ते 40, पालक 20, मेथी 25, कांदापात 20, शेप 20 तर पुदीना 15 रुपये दराने प्रतिपेंडी विक्री झाली. तसेच आल्याचे दर 110 रुपये प्रतिकिलो होते. तर कांदा 15 रुपये व टोमॅटो 20 रुपये प्रतिकिलो दराने विक्री झाली
मोशी उपबाजारात कांद्याची आवक 481 क्विंटल, बटाटा 718 क्विंटल, टोमॅटो 382 क्विंटल, मटार 13 क्विंटल, भेंडी 16 क्विंटल, आले 31 क्विंटल एवढी आवक झाली आहे. तसेच घाऊक बाजारातील प्रतिकिलो दर मिरची 27, कांदा 6 ते 7, बटाटा 8, लसून 35, आले 50, टोमॅटो 6 ते 7, भेंडी 27, मटार 55 रुपये दराने विक्री होत आहे.
मोशी उपबाजारात पालेभाज्यांच्या एकूण 28750 फळे 645 क्विंटल आणि फळभाज्यांची आवक 2938 क्विंटल एवढी आवक झाली.
गेल्या दोन महिण्यांपासून मोशी उपबाजारासह सर्व मंडईमध्ये हिरव्या पालेभाज्यांची आवक मोठ्या प्रमाणात होत होती. मात्र पावसामुळे आवक मोठी घटली आहे.
मोशी बाजारात गेल्या दोन महिण्यात 18000 हून अधिक कोथिंबीरीची गड्डी येत होती. मात्र, या रविवारी 5000 हून कमी गड्ड्याची आवक झाली. मेथी 6 हजाराहून कमी, पालक अडीच हजारांहून कमी तर कांदापात दीड हजारांहून कमी गड्डीची आवक झाली आहे. त्यामुळे दरात वाढ झाली आहे.
मोशी उपबाजारातील गेल्या दोन महिन्यांतील
हिरव्या पालेभाज्यांची सरासरी आवक (गड्डी)
भाजी आजची आवक सरासरी आवक (गड्डी)
कोथिंबीर 13300 18000
मेथी 4700 10000
पालक 2700 4500
कांदापात 1300 3000
पिंपरी मंडईतील पालेभाज्यांचे किरकोळ भाव
पालेभाज्या दर (प्रति पेंडी)
मेथी 25
कोथिंबीर 30 ते 40
कांदापात 20
शेपू 10
पुदिना 15
मुळा 15
चुका 15
पालक 20
फळभाज्यांचे किलोचे भाव
कांदा 15
आले 110
भेंडी 40
टामॅटो 20
सुरती गवार 100
गावरान गवार 120
दोडका 40
दुधी भोपळा 50
लाल भोपळा 50 ते 60
कारली 40
वांगी 30 ते 40
भरीताची वांगी 40
तोंडली 50
पडवळ 40
फ्लॉवर 50
कोबी 30
बिन्स 70-80
बीट 60
आवळा 50
राजमा 30
काकडी 40
शिमला 50
शेवगा 110
