इंग्रजी भाषेमुळे अडचण होत असलेल्या पक्षकार व सर्वसामान्य नागरिकांना उपयोग होईल, यादृष्टीने मुंबई उच्च न्यायालयाने मागील वर्षी 'निवडक निर्णय' या शीर्षकाखाली तीन महत्त्वाची निकालपत्रे मराठीत भाषांतरीत स्वरूपात प्रसिद्ध केली होती. न्या. डी. एच. ठाकूर, न्या. कमल खाटा, न्या. अभय आहुजा, न्या. अजय गडकरी, न्या. प्रकाश नाईक यांचा समावेश असलेल्या तीन खंडपीठांची निकालपत्रे मराठीत प्रसिद्ध केली होती. या वेळी या निकालपत्रांचा उपयोग केवळ पक्षकारांना तो मातृभाषेत समजावा, यासाठी करावा. अन्य कोणत्याही कारणासाठी करण्यात येऊ नये. उच्च न्यायालयाच्या निकालपत्रांसाठी अधिकृत भाषा इंग्रजीच राहील, असेही स्पष्टीकरण दिले होते.