मान्सून उद्या महाराष्ट्रात; वायव्य भारत व्यापला

मान्सून उद्या महाराष्ट्रात; वायव्य भारत व्यापला
Published on
Updated on

पुणे; पुढारी वृत्तसेवा : मान्सूनने नियोजित तारखेच्या दोन दिवस आधीच वायव्य भारत व्यापला आहे. तो रविवारी (5 जून) महाराष्ट्रातील तळकोकणात दाखल होण्याची शक्यता आहे. दरवर्षी वायव्य भारतात मान्सून 5 जूनच्या सुमारास दाखल होतो. मात्र यंदा 3 जून रोजी म्हणजे नियोजित तारखेच्या दोन दिवस आधीच त्याने वायव्य भारत व्यापला.

मान्सून महाराष्ट्राच्या किनारपट्टीजवळ आला असून 5 जूनपर्यंत तो तळकोकणात व त्यापुढे तीन ते चार दिवसांत संपूर्ण राज्यात येईल, असा अंदाज आहे. शुक्रवारी 3 जून रोजी मान्सूनने पश्‍चिम बंगाल, सिक्‍कीमसह संपूर्ण वायव्य भारत व्यापल्याने त्या भागात जोरदार पावसाला सुरुवात झाली आहे. राज्यात 4 ते 5 जूनदरम्यान पूर्व मोसमी पावसाला सुरुवात होईल, असा अंदाज हवामान विभागाने व्यक्‍त केला होता. मात्र आता 6 व 7 रोजी राज्यातील कोल्हापूर, पुणे, नगर, सातारा, सांगली, परभणी, बीड, हिंगोली, नांदेड या भागात मुसळधार पावसाचा नवा अंदाज हवामान विभागाने 3 जून रोजी दिला आहे.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

संबंधित बातम्या

No stories found.
logo
Pudhari News
pudhari.news