पुणे : येरवडा भागात दहशत माजविणारा गुंड अनिकेत ऊर्फ दत्ता साठे याच्यासह साथीदारांविरुद्ध पोलिस आयुक्त रितेश कुमार यांनी महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्याचे आदेश दिले. अनिकेत ऊर्फ दत्ता राजू साठे (वय 21), आदित्य सतीश घमरे (वय 19), रौनक ऊर्फ टक्या अजेश चव्हाण (वय 20), अभय चंद्रकांत जंगले (वय 21), अमन गणेश भिसे (वय 20), ऋतिक राजू साठे (वय 22), राजू कचरू साठे (वय 50, सर्व रा. येरवडा) अशी कारवाई करण्यात आलेल्या गुंडांची नावे आहेत. या प्रकरणात राजू साठे याला अटक करण्यात आली असून, त्याचे साथीदार पसार झाले आहेत.
मोक्का कारवाईचा प्रस्ताव येरवडा पोलिस ठाण्याचे वरिष्ठ पोलिस निरीक्षक बाळकृष्ण कदम, गुन्हे शाखेचे निरीक्षक उत्तम चक्रे, उपनिरीक्षक रवींद्रकुमार वारंगुळे, अकुंश डोंबाळे यांनी तयार केला होता. अतिरिक्त आयुक्त रंजनकुमार शर्मा, उपायुक्त शशिकांत बोराटे, सहायक आयुक्त किशोर जाधव यांनी या प्रस्तावाची पडताळणी केली. त्यानंतर पोलिस आयुक्तांनी आदेश दिला.
