खडकवासला: खडकवासला धरणसाखळीच्या पाणलोट क्षेत्रात शुक्रवारी (दि. 8) सकाळपासून ढग दाटून आल्याने पावसाळी वातावरण होते. मात्र, दिवसभरात पाऊस पडला नाही. पावसाच्या हुलकावणीमुळे धरणांच्या पाणीसाठ्यात घट सुरू झाली आहे. सायंकाळी पाच वाजता धरणसाखळीत 25.84 टीएमसी म्हणजे 88.66 टक्के इतका पाणीसाठा शिल्लक होता.
गेल्या वर्षीच्या तुलनेत धरण साखळीत दीड टीएमसी पाणी कमी आहे. गेल्या वर्षी 8 ऑगस्ट 2024 रोजी साखळीत 27.34 टीएमसी पाणी होते. पानशेत खोर्यातील रायगड जिल्ह्याच्या हद्दीवरील घाटमाथ्यासह धरणक्षेत्रात सकाळी पावसाचा शिडकावा झाला. थंडगार वारे वाहू लागले. त्यामुळे पावसाच्या आशा पल्लवित झाल्या. मात्र, पाऊस काही पडला नाही. असेच चित्र मुठा, मोसे, वरसगाव, सिंहगड खोर्यात आहे. (Latest Pune News)
गेल्या 24 तासांत धरणसाठ्यात 0. 4 टीएमसी इतकी घट झाली. गुरुवारी (दि. 7 ) सायंकाळी पाच वाजता धरणसाखळीत 25.88 टीएमसी पाणी होते.
खडकवासला धरणसाखळी
एकूण पाणी साठवणक्षमता 29.15 टीएमसी
शुक्रवारचा पाणीसाठा
25.84 टीएमसी (88.66 टक्के)
