सासवड : पुरंदर तालुक्यातील निरा कृषी उत्पन्न बाजार समितीच्या सासवड उपबाजारात बुधवारी (दि. 29) धान्याची मोठ्या प्रमाणात आवक झाली. यावेळी ज्वारीला प्रतिक्विंटल 3 हजार 400 रुपयांचा सर्वोच्च दर मिळाल्याची माहिती बाजार समितीचे सभापती संदीप फडतरे यांनी दिली.(Latest Pune News)
सासवड उपबाजारात गराडे, दिवे, वाल्हा, राजुरी, परिंचे, वीर, वाघापूर, माळशिरस, पुरंदर, बारामती, दौंड, इंदापूर व भोर या भागांतून ज्वारी, बाजरी, गहू, हरभरा आदी धान्य विक्रीसाठी आले होते. एक नंबर प्रतिच्या ज्वारीला कमाल 3 हजार 400 रुपये, दोन नंबर प्रतिला किमान 2 हजार 600 रुपये, तर सरासरी 3 हजार रुपयांचा दर मिळाल्याचे सचिव मिलिंद जगताप यांनी सांगितले.
या वेळी उपसभापती बाळासाहेब शिंदे, संचालक शरद जगताप, देविदास कामठे, गणेश होले, वामनभाऊ कामठे, सुशांत कांबळे, शरयू वाबळे, भाऊसाहेब गुलदगड, पंकज निलाखे, अनिल माने, अशोक निगडे, संचालिका शहजान शेख, लिपिक विकास कांबळे तसेच व्यापारी रूपचंद कांडगे, राजेंद्र जळींद्रे, अविनाश महाजन, नंदकुमार महाजन, सत्यवान पवार, जितेंद्र महाजन आणि शैलेश वीरकर आदी उपस्थित होते. तर निरा बाजारात गुळाची एकूण आवक 300 बॉक्स (सुमारे 60 क्विंटल) इतकी झाल्याची माहिती सहसचिव नितीन किकले, कृष्णात खलाटे आणि प्रवीण कर्णवर यांनी दिली. या वेळी गूळ व्यापारी शांतीकुमार कोठडिया उपस्थित होते.
