टाकळी हाजी : इंस्टाग्रामवर पाठविलेली फेंड रिक्वेस्ट स्वीकारली नसल्याने चिडून आमदाबाद-टाकळी हाजी रस्त्यावरील डोंगरगण चौफुला येथील हॉटेल स्वरा येथे तरुणास लाकडी दांडक्यांनी, लाथा-बुक्क्यांनी व हाताने मारहाण करण्यात आली. या प्रकरणी शिरूर पोलिस ठाण्यात चार जणांविरोधात गुन्हा दाखल करण्यात आला.(Latest Pune News)
फिर्यादी रोहन मळीभाऊ खामकर (वय 21, रा. शिनगरवाडी, ता. शिरूर) हा मंगळवारी (दि. 30) दुपारी अडीच वाजण्याच्या सुमारास डोंगरगण फाट्यावरील हॉटेल स्वरा येथे फॅबिकेशनचे काम करीत होता. या वेळी चार-पाच दिवसांपूर्वी इंस्टाग्रामवर पाठविलेली फेंड रिक्वेस्ट स्वीकारली नाही, याचा राग धरून अमर मुंजाळ (रा. डोंगरगण), हर्षद खाडे व करण चव्हाण (दोघेही रा. म्हसे बुद्रुक) तसेच सचिन पवार (पत्ता माहित नाही) यांनी फिर्यादीवर हल्ला केला. या चौघांनी लाकडी दांडके, हाताने व लाथाबुक्क्यांनी फिर्यादीच्या डोक्यात, तोंडावर व हातावर मारहाण केली. फिर्यादीच्या तक्रारीवरून शिरूर पोलिस ठाण्यात गुन्हा दाखल करण्यात आला आहे.
