पुणे : डॉ. आंबेडकर हॉकी स्पर्धेच्या अंतिम फेरीत स्थानिक क्रीडा प्रबोधिनी संघाचा ४-२ असा पराभव करीत इन्कम टॅक्स पुणे संघाने विजेतेपद पटकाविले.
अंतिम फेरीत राज पवारने (८ व्या मिनिटाला) मैदानी गोल केल्याने आयकर पुणे संघाने सुरुवातीच्या काही मिनिटांतच आघाडी घेतली. त्यानंतर बाबू मेटकरने (१५ व्या मिनिटाला) पेनल्टी कॉर्नरवर गोल करून मध्यंतराला आघाडी २-० अशी वाढवली. उत्तरार्धाच्या सुरुवातीला इन्कम टॅक्स संघाच्या राहुल शिंदेने (३४ मिनिटांनी) मैदानी गोलसह त्यात भर घातली. ०-३ असे पिछाडीवर असताना कार्तिक पठारे (४३ मिनिटांनी, ४९ मिनिटांनी) पेनल्टी कॉर्नरवर गोल करून क्रीडा प्रबोधिनीने प्रतिस्पर्धी संघाची आघाडी ३-२ अशी कमी केली. बाबू मेटाकरने (५२ मिनिटांनी) वैयक्तिक दुसरा गोल करून इन्कम टॅक्स संघाला ४-२ अशा फरकाने जिंकून दिले.
तिसऱ्या क्रमांकाच्या सामन्यात रिपब्लिकन एस. सी.ने मध्यंतरापर्यंत २-० अशी आघाडी घेत पुणे शहर पोलिसांवर ४-१ अशी मात केली. कृष्णा मुसळेने (७ व्या मिनिटाला) फिल्ड-गोल करीत पुणे शहर पोलिस संघाचे खाते उघडले. रिपब्लिकन एस. सी.ने २१ मिनिटांनी बरोबरी साधली. त्यात सौरभ मैकरचा (२८ व्या मिनिटाला) पेनल्टी कॉर्नरवर गोल महत्त्वाचा ठरला.
त्यानंतर देवव्रत हिरेने (२९ व्या मिनिटाला) गोल करून रिपब्लिकन एस. सी.ला २-१ अशी आघाडी मिळवून दिली. त्यांनी पहिल्या हाफमध्ये २-१ अशी आघाडी राखली. उत्तरार्धात रिपब्लिकन एस. सी.ने दोनदा गोल करीत मोठी आघाडी घेतली. रायथेम मामनिया (५३ व्या मिनिटाला) आणि श्रीकृष्ण चौरसियाने (५६ व्या मिनिटाला) अनुक्रमे मैदानी आणि पेनल्टी कॉर्नरवर गोल केला तसेच रिपब्लिकन एस. सी. संघाला ४-१ असे जिंकून दिले.
