पिंपरी : पुढारी वृत्तसेवा : 'पीएमआरडीए'ने प्रधानमंत्री आवास अर्जाची मुदत 22 नोव्हेंबरपर्यंत वाढवली आहे. पुणे महानगर प्रदेश विकास प्राधिकरणाच्या वतीने पेठ क्र.12 येथील प्रधानमंत्री आवास योजनेअंतर्गत एलआयजी प्रवर्गातील 793 सदनिका, पेठ क्र.30-32 येथील इडब्ल्यूएस (1आरके) प्रवर्गातील 366 सदनिका, एल आय जी (1बीएचके) प्रवर्गातील 414 सदनिकांचा सर्व सुविधांनीयुक्त असा घरांचा भव्य प्रकल्प साकारण्यात येत आहे.
प्रकल्पातील घरांचा डिसेंबर 2022 पूर्वी ताबा देणेचे नियोजित आहे. या गृहप्रकल्पातील सदनिकांसाठी इच्छुक नागरिकांकडून अर्ज मागविण्यात आले आहेत. त्याची मुदत दि.3 नोव्हेंबर 2022 रोजी संपुष्टात आली. परंतु ही मुदत दि. 22 नोव्हेंबर 2022 पर्यंत वाढविण्यात आली आहे. त्यानुसार दि.21 नोव्हेंबर 2022अखेर नोंदणी करून नागरिक दि.22 नोव्हेंबर 2022 पर्यंत ऑनलाईन अर्ज सादर करू शकतात.
ऑनलाईन अर्ज भरण्याचे आवाहन
ऑनलाईन अर्ज भरण्यासाठी www.pmrda.gov.ind http://lottery.pmrda.gov.in या संकेतस्थळाला भेट द्यावी. वाढीव मुदतीच्या सुवर्णसंधीचा जास्तीत जास्त नागरिकांनी लाभ घ्यावा व मुदतीपूर्वी ऑनलाइन अर्ज सादर करावेत,
असे आवाहन पुणे महानगर प्रदेश विकास प्राधिकरण कार्यालयातर्फे करण्यात आले आहे
