मागील वर्षी आजच्या दिवशी भाटघरमध्ये 42 टक्के तर निरा देवघर धरणात 55.35 टक्के पाणीसाठा होता. त्यामुळे यावेळी भाटघर धरणात 10 टक्के, तर निरा देवघर धरणात 15 टक्के पाणीसाठा कमी आहे. वीर धरणात सध्या 45.40 टक्के तर गुंजवणी धरणात 44.23 टक्के पाणीसाठा असून गतवर्षी वीर धरणात 63.88 टक्के तर गुंजवणी धरणात 60.27 टक्के पाणीसाठा होता. गतवर्षीच्या तुलनेत या दोन्ही धरणांमध्ये 18 टक्के पाणीसाठा कमी आहे. वीर धरणातून निरा डाव्या कालव्यात 827 क्युसेकने तर निरा उजव्या कालव्यातून 1 हजार 550 क्युसेकने पाणी शेतीसाठी आणि पिण्यासाठी सोडण्यात येत आहे. दोन्ही कालव्यांतून पुरंदर, फलटण, बारामती, इंदापूर, माळशिरस, पंढरपूर, सांगोला या पूर्वेकडील तालुक्यांना पाणी सोडण्यात येत आहे.